【育兒日記】✿我的媽媽是個....♬超人媽媽✿

還記得我妹妹小學時，有一篇作文
名為『我的媽媽是一個......』
當然老師希望的就是小朋友是讚美媽媽的
在我們眼中的就是一個瘋女人嗎

但係而家重來的話，也許我的答案是
我的媽媽是一個超人
因為她可以一個人湊大我地三姊妹
同時間仲要勞心勞力,教做功課
為左我地學英文，為左我地成日冇覺好訓為左我地每朝五點幾起身，煮飯煮早餐
我諗暫時既我都未必做到

不過自從自己當媽後，才發覺原來我也可以是個超人為一個他，我堅持了兩年的人奶
雖然身邊不論是親友還是一些師奶，
都兩歲仲食人奶?要介啦嗎~
咁點解人奶唔食要食粉?

只可以說的是，餵人奶也許是一份堅持
亦是一份給媽媽最好的禮物，
我很幸運，不需要當一個汞媽
小孩出世後雖然試過把乳頭咬至爆損
試過堵奶堵到發高燒，試過為左奶量暴跌而大哭
但當很想放棄時，一次又一次找奶奶的樣子又會令你心醉
放棄還是遲一點吧...
不過香港仍然需要大家支持人奶的媽媽
由其在外汞奶的媽媽是更更更加需要
當上媽媽的角色後，就會突然自動懂做任何東西
包括沖涼換屎片等等，之前我真心覺得掂到大便
係要拎消毒藥水洗手，拎去浸衣服
現在?我真的像奶粉廣告這樣，看看小朋友否bubu 的
同埋親手接過不少類型的bubu 呢這一樣真的是當媽後最大的改變

但是媽媽這個工作沒有試用期，沒太多人教授
即使有的，也多多意見令你無從入手，
興幸我也有我的超人媽媽從中幫了不少
有一些時光真的是有她才捱過了

有小孩後，睡眠質素真的不會好得多好，
因為小朋友一聲哭聲一下郁動也會觸動你的神經
曾經多少晚上小孩哭了很久不睡，
為了不影響要上班的爸爸
多少晚上抱著小孩在外面睡，
多少晚上抱著小孩在外面行住哄睡
也許這是不少媽媽的心聲嗎?
當小孩生病，除了心如刀割的擔心外
仍然要受是冷言冷語，如何令小孩吃藥
而不會嘔吐，不會在咀邊溜走
真的是要自已慢慢學習

還要學習如何在外來人的發言點解你餵人奶仍然成日病，
真的很想說一下，如果可以知道點樣唔病
我都唔想比佢病，你估佢病我好舒服?
其實冇一個媽媽想小朋友病，你真係估餵佢食藥好爽?
你估佢病到唔食唔飲你唔心痛
每個小朋友體質都唔同，
真係唔好將媽媽的心肝寶貝跟其他小朋友比較


曾經我都係一個好擔心成日會拎gogo 去比較既媽媽
點解差一個月，Gogo 仲未識得坐
係唔係真係我比唔到太多空間佢自己玩呢?
係唔係因為我成日收埋佢係房，冇空間走動而令佢坐唔隱呢

到佢識得坐時，同日谷既小朋友又已經開始學人企
又係度諗係唔係學習遲緩呢?
洗唔洗去搵醫生睇下呢，
唔知幾時我都開始變左一個怪獸媽媽
成日覺得點解個仔樣樣都比人遲，
成日覺得點解樣樣都比人慢，
成日覺得係唔係我真係陪得佢太少?
究竟係唔係應該揀番唔番工呢?

正當個仔終於肯學人行路，有一些朋友仔已經開始學緊走
不過正當呢D 時間就會同自己講，其實真係每個小朋友成長都唔同
冇必要同人地比較，最重要係Gogo 樣樣野都好順順利利成長就足夠

只不過當Gogo 歲半開始，當初講唔好再做怪獸既我又開始怪獸番，又成日好緊張
當面試成績出左又唔收個陣真係喊左出黎
當時就諗唔同Gogo 表現真係咁差?
定係佢真係不如其他小朋友?


不過經歷完三次都係後備生既結果我都開始睇淡了事情，或者真係學校唔岩Gogo
或者Go 真係未夠人地黎，
倒不如拎時間我地去做唔同既野
就好似媽咪帶Gogo 入迪士尼咁呀
連婆婆都話我好痴線，點解可以做到咁樣
為左個仔媽媽也是一個超強的人....
轉眼他兩歲了，我興幸我生命中有他
他令我強起來,真的什麼也不怕了
他令我平時鬧鐘響到爆都唔醒既人，佢一郁我即醒
他令我力大無窮，重到救命都仲會抱
他令我EQ 強了很多，不是一味打打鬧鬧
他令我再當回義工，因為我想用行動去教小朋友
他令我不斷去圖書館找書看書，講故仔
或者這就是這個小伙子的威力....

愛你，我的兒子!!!



就這樣完結啦,下次再見!(拜~)

◕‿◕如有任何合作事宜.

歡迎以電郵或者到FB PAGE找我 ◕‿◕

謝謝唷!

CONTACT ME：MANMAN811@GMAIL.COM

IG: ANGELBABY811

[b]

圖片來源：images-blogger-opensocial.googleusercontent.com

[/b]