【食 ❤佐敦】視覺跟味覺同時享受♬生日飯。S2鐵板燒 ✿

小朋友既生日，其實也是每位媽媽的辛苦紀念日
所以早前GoGo生日正日，媽媽我跟爸爸講
小朋友生日要慶祝，但係媽咪其實先係重點

所以我同爸爸講，阿仔生日應該要錫下阿媽先
本身有諗過食助餐，不過真係冇咩特別者
同朋友傾開計，佢介紹我一間鐵板燒
講緊係呢一間S2 鐵板燒

呢間鐵板燒其實都有幾間分店架今次我地就去左佐敦既分店

由於我地帶住Gogo所以就坐左係卡位位置
如果唔係有小朋友的話，
我都會坐係鐵板前面睇師父煮野食由於當日我地揀左好早黎食飯
因為第二日又要番工同時又想番去切蛋糕
所以剛剛他們落完場一開店就來囉!!

看見師父先在鐵板炒香蒜頭等等
超香呀!!如果坐係吧枱一定係視覺同埋味覺既享受


每位客人係坐底之後，店員都會送上一粒青檸
你以為佢倒出黎係水，就比一杯青檸水啦
其實係一杯花旗參青檸水，真係第一次飲
由其焗佢一焗更加出味，更加香超棒的!!

今次我地點了兩個鐵板餐，
分別有海膽焗原隻龍蝦海鮮套餐 及
A5 和牛套餐

咁每個Set 都會有前菜，
包括有煙鴨胸沙津盛合杯同埋
三式刺身


首先先介紹海膽焗原隻龍蝦海鮮套餐
主食有北海道黑松露帆立貝
(係A5 和牛套餐入面都有一款呢個)
帆立貝大大粒，燒得剛剛好，
連埋黑松露一同食超香濃好吸引


仲有招牌脆皮煎鰻魚，
要知道燒鰻魚總是軟軟的，
也許會有一點香脆，卻給醬汁搶曬風頭
不過今次鰻魚真的是主角，那個皮脆得像吃薯片
但是鰻魚的肉卻依然嫩滑，
我同爸爸都沒刻意地點上醬汁
因為真係好夠味，亦好好味!!

當然少不了這個主角之一
鐵板燒海膽醬芝士焗龍蝦
呢個真係好食到不得了，
首先香味超高，龍蝦不會燒到又乾又老
芝士配合龍蝦又夾到不得了，
整個套餐最好食必數呢一款!!!


另外當然要介紹A5 和牛套餐既主食啦
本身就應該係慢煮法國鵝肝伴時令生果
不過當日食材唔太新鮮所以師父就改左牛(月利)伴蘋果醬
本身我自己係好愛吃牛(月利)所以就好吸晴啦
燒得剛剛好，牛(月利)內依然好嫩
吃落啖啖肉，蘋果醬清甜配合牛(月利)可以燒走油膩感


另外仲有A5薄燒，
A5 真係好唔同，入口即溶係真架
師父會按當天既供貨量而給同既薄燒
唔點上任何醬汁就會清淡一點
可以配合當時給上的棟子醬也有一點不同效果


仲有可以揀炒飯/野菜炒拉麵
我地兩個都各揀一個黎試下
炒飯可以揀一些配料黎炒下
而我地我揀左和牛黎炒
好香好味亦夠飽肚

而拉麵就真係索曬D 醬汁，
不過D 麵條又唔會軟淋淋


其實仲有湯品，同埋菜品仲有甜品
不過當日電話完全無曬電，相片就沒有了
但係可以講既湯品我自己比較喜歡它的南瓜蓉湯品
好清甜好濃滑，而清蜆紫菜湯品就比較清淡一點

而當天就只有炒野菜,所以就不過不失吧
甜品的確有少許驚喜，因為它有點像士多條
但是脆脆的甜甜的，蠻好吃的

整個晚餐我們吃得超開心，
店員很幫忙照顧我家小孩的餐飲
而味道也很不錯的，環境更加不錯
不過最好我地兩公婆慢慢享受最幸福吧
這兒是S2鐵
佐敦偉晴街29-37號地下6號舖

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me: manman811@gmail.com
IG/FB 專頁: Angelbabyhome

圖片來源：images-blogger-opensocial.googleusercontent.com