【飲食】▌飲茶再唔係只係上酒樓 ❤飲茶不再是Old School▌

有陣時係街撞到朋友,寒喧兩句就講句"得閒飲茶"
有陣時真係諗,究竟有幾多次真係會約番出黎飲下茶?
不過人大了,加上當媽後真的比做女時還顧家

而最少每隔兩星期,我們都會回去飲茶見見父母,
兒時最怕到酒樓,坐到天慌地老,
現在的我,反而更加慢慢喜歡品杯茶,吃過飽。

不過平時飲茶去酒樓就最怕去搵位,
但係近來多了不少店鋪也推出吃點心,
咁...突然間想去飲茶都可以隨時飲茶啦

早前打算去朋友屋企聚會,
誰知去到元朗,朋友家突然有事未能聚會,
既然係咁,就去搵間餐廳食下野啦,
係元朗區咁多野食,今次我見到呢間小店...

其實之前我已經係係太子見過,仲想試下,
點知今次就反而係元朗見到,
就入去試下食野先。

由於當日放左工真係好鬼肚餓,見到隔離台既蒸飯好吸引,
呢一籠蒸飯,原籠上既原籠鳳爪排骨飯 $36
一到個飯即刻心諗,兩三個人食都夠呀,
同平時係茶點既蒸既盅頭飯完全唔一樣
大好多好多,平時酒樓既分分鐘一個鐘都夠飽


然後就當然到我位少爺最愛,去親飲茶都必點既
手拉白布腸 $19

腸粉就同平時食開既就好似短左少少,
但係一樣Keep到好滑既,
連我想食啖都唔比我食啦,成碟食曬!


近排真係好少飲湯,一唔番娘家連湯水一啖都冇
對自己好少少就試左它家既阿二燉湯
由於前排成日落雨,落到我地都病病地
當然要試下可以增強抵抗力既
瑪卡燉竹絲雞 $36/盅

味道不錯,油份不算多,
同時亦覺得冇咁既味精存在,
不過湯份量就唔算多,但係堅係好足料!


呢個就係打卡既焦點,亦係大家都話必點之選,
蛋黃哥流沙包 $26/2個

係店鋪上,奶皇流沙包有兩款,
如果想食到呢個有公仔樣既,
同時入面係濃濃既流沙皇,超好味

雖然呢度店鋪細細,但係食物味道不錯,
價錢亦好抵食,對比係平時既酒樓,
只要係想食就可以入去食,最重要唔怕又話大枱唔准坐
小朋友又食得開心,阿媽又食得安落~

呢度係得閒飲茶
元朗谷亭街13號傑文樓地舖

就這樣完結啦,下次再見啦!(拜~)
◕‿◕如有任何合作事宜,歡迎找我呀

Beauty | Baby | Food | Life
Angel 小魔怪Mama


E-Mail: manman81!@gmail.com
instagram.com/angelbabyhome
facebook.com/angelbabyhome/
小魔怪。私家竇

留言


請按此登錄後留言。未成為會員? 立即註冊
    快捷鍵:←
    快捷鍵:→