再度挑戰老闆娘雲南米線


再度挑戰老闆娘雲南米線
上次叫外賣,食唔到環境依個元素
今晚就再落多次香車街食多次!
依舊門口排排坐,今次點番招牌炸雞同炸響鈴
麻辣湯底,真係麻到條利都痺哂!
響鈴得2件,係好脆既,不過多幾件會開心好多
炸雞今次碟上就覺得好大份,有成3件咁多~
環境就真係「迫」架啦~

先係搭檯搭正一家大細既,小朋友食得慢又大聲叫,絕對明白同體諒既!
一家大細,4個人都未走,老闆娘就問我隔離係咪有個位,叫我坐開黎比多2個人搭檯,即係一張圓檯坐住7個人,都真係迫既,最麻煩係新黎既一對年輕情侶,未坐低已經好啞渣!

老闆娘雲南米線真係最好食既就佢個個湯底!
出面連鎖既真係做唔到依種味道既湯底!

招牌炸雞真係當之無愧!絕對撐得住個招牌👍🏻
今次埋單$58,都係等左差不多30分鐘先食得~
希望日後真係可以精簡流程

更多精采內客請㩒:http://www.eatwmacy.com/


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→