霸氣老闆娘雲南米線

$92之霸氣老闆娘雲南米線--可能係全香港最「唔好意思」既米線！
近排成日見到有人講老闆娘雲南米線，今日就走去試試有幾好食，
一上到去香車街熟食檔2樓，就見到有堆人坐低等緊位
見到條龍都知有排等，直接同老闆娘講叫外賣啦～
點知外賣都係要好似堂食咁排排坐等位，十分莫明其妙！
老闆娘差不多每一句開口都會講「唔好意思.....」
例如「唔好意思！一個跟一個順次序！」「唔好意思！邊個點好想食咩？」「唔好意思！你幾多位？」⋯⋯
我就點左吉烈豬排＋靚肥牛＋招牌酥炸雞球
黎個豬牛雞大合唱～
點知老闆娘一睇就彈我單！話豬排唔可以配雞球我問點解？佢話$10做唔到，咁我咪叫佢單點另上～
入單到拎得走，差不多等左半個鐘，流程上有好大進步空間！

湯底：清湯好有味！正！
麵條：好夠彈口
豬排：薄左少少，可以奄多少少，同埋可以剪得好少少
肥牛：都有4-5片，普通肥牛囉，無特別
雞球：真係好特別！脆槳唔厚，雞肉仲保持到肉汁
味道：係好食既，但未至於一食難忘，要一食再食既境界，得閒經開唔使等就可以一試
價錢：$92食個米線都算中環價錢，荃灣味道，正常雙拼應該$50左右埋單啦～
態度：老闆娘面口可以寬容少少，佢果陣「霸氣」從佢口中每一句「唔好意思！」都真係幾攝人，感覺有少少好似想鬧人咁！
更多精采內客請㩒：http://www.eatwmacy.com/