油漆工程價格

Echouse置業易 於 08/11/2019 發表 收藏文章

想屋企煥然一新?油漆工程可能係你美化家居嘅第一步。如果你屋企牆身出現裂紋、剝落、發霉及漏水情況,咁就要立即搵油漆師傅幫你粉刷牆身。

油漆工程價格係受工程項目,居住面積,油漆品牌種類, 牆身質量及施工難度等現場環境因素影響。髹油工程項目愈多,收費越愈貴。

油漆品牌種類方面,某些著名油漆牌子比其他雜嘜油漆牌子價格較高,而防霉,防水,無味,無添加,抗甲酫嘅油漆,價格都比較高。另外,牆身質量會影響施工難度,例如舊漆顏色深淺,房屋新舊及裂痕多少等。


大部分油漆師傅需要上門現場考察才能報價,並會詢問要唔要包工包料。施工前,油漆師傅會移走傢俱,髹油前,會用大膠布遮蓋地板,確保物件完整無損。

如果施工地方屬於新樓盤,一般只需要直接翻油。師傅會用砂紙輕輕磨平天花及牆身再直接髹上乳膠漆。

如果你屋企牆身底層夠堅固,但出現輕微破損情況如 崩, 裂,甩皮,起泡及有釘孔等師傅需要執灰翻油.施工時,先局部塗上灰層嚟修補,繼而髹上油漆。

但如果你牆身表面鬆浮,灰層與石屎出現分離現象.施工內容需要先鏟除 舊灰,塗刷防潮底漆, 重新批灰,打磨平滑,再塗刷面漆。油漆工程完成後,油漆工人會清理現場,等待屋主收貨。

油漆工程費用一般以用料同人手成本作考量。屋主要將牆身由深色變淺色或由淺色變深色,工程會需要更多油漆,亦意味著髹油材料費相對增加。

另外,住所如非空置,師傅有可能額外收費,因為師傅需要負責搬運。若果屋主要求提早起貨,需要更多人手或日夜趕工,油漆師傅亦會收取額外費用。

傢俬翻油工程一般會另外計算,每套房門連框額外收取的髹油費用由$700至$1500不等。

熱門搜尋: 室內設計裝修, 香港裝修設計, 香港室內設計, 設計空間, 裝修公屋

唔想爛尾? 黎 www.echouse.com.hk - 免費裝修配對平台,幫您配對3間裝修/設計公司,提供分析及監測施工進度。平台推3年來配對超過600宗裝修,杜絕爛尾,政府科學園公司,信心保証!
標籤: 全屋裝修  村屋裝修  

留言


請按此登錄後留言。未成為會員? 立即註冊
    快捷鍵:←
    快捷鍵:→