【打工仔系列】10個現象，話你知係時候減壓兼放假輕鬆吓！

唔知道自己工作壓力係咪已經超晒標？身邊同事／朋友成日呻壓力大，你覺得自己仲辛苦？以下呢10個現象，睇下你中幾多個就知道係咪壓力大喇！
1. 每天朝早你都習慣把鬧鐘關掉超過3次
「俾我瞓多五分鐘喇…」，雖然我地明白朝早起身返工係一件好可恨既事，要擺脫睡魔醒來真係好困難，但如果每日朝早你都要推遲起身既時間3次以上…咁表示你唔想返工/壓力大既程度已經超越常人，甚至你會諗：「可唔可以唔洗我起身…比我癱係呢張床一世？」如果係咁，你再唔放假就真係走火入魔喇！

2. 每日都吃相同的早餐
早餐係每日工作既靈魂，如果你星期一到星期五每日都趕住出門，每日既早餐都一樣於便利店或麵包店購買，或每天去同一間餐廳，而食物既款式亦千篇一律的話，明顯你已經對早餐的要求大大降低，簡直係可以用「求其」去形容，其實咁樣會令你無法集中精神。假若放假而不想早起，睡到中午，錯過早餐時間，長期落去，皮膚更會顯得比較老呢！
3. 每天都是辦公室生活
一早起身就係趕返工，返到公司吹冷氣，到放工時間天已黑。
你已經忘記接觸溫暖陽光，享受大自然既感覺，即使放假都只想留係屋企，出街都只會到樓下，或選擇行商場渡過你每個星期寶貴既假期。
睇完呢篇文章，聽話啦，即刻同HR申請請假去玩吓吧！

4. 辦公室有源源不絕的零食
有一大堆零食係公司office陪你完全係正常不過既事，每日既工作千篇一律，唔食零食時間真係好難過。不過…如果你既零食多於一個櫃筒，隨手就可以抓一堆零食吃，或接近每兩至三日就要補一次貨的話…我深信你既壓力真係超出正常人。

5. 習慣下午茶時間喝第三杯咖啡你對咖啡因既依賴幾乎嚴重到成癮地步，為左工作，你已經豁出去了。
不如放個假輕鬆吓，少喝一杯咖啡喇！

6. 返工懶打扮，就連高跟鞋都不穿
如果已經長時間都沒有悉心打扮上班，甚至連女人最愛的高跟鞋都很久沒穿的話，我相信你已非常厭倦你的工作了，放個假比自己抖下喇！

7. 完全失去做運動既衝勁
如果你已經留意自己腰圍或臀部已經肥左幾吋；如果你已經知道自己好耐都無落街跑步，連係屋企郁下都極少；如果你已經發現自己行多步路，上多級樓梯都會叫攰唔想郁….
呢個跡象明顯係因為你已經因為工作既忙碌同壓力，令你失去了當初做運動既衝勁同動力。(以往都零運動既不計入內，但你睇完都係時候郁下喇)

8. 莫名奇妙地感到煩躁不安
每當公事忙碌，你就會不奇然地想發脾氣，腦袋有脹起感覺甚至感到頭痛，個人又會覺得熱辣辣好憫憎時，你需要放假既情緒已經嚴重通知緊你。

9. 懶於發佈社交媒體
假若你已經有一個多月無更新Facebook動態，甚至懶於用facebook/Instagram去Update朋友既近況和趣事的話，即使你登入Facebook也只是無心按下，就証明你覺得你再沒想到值得你與朋友分享既事。

雖然並不是每件小事都要發文，但這個跡象或許能提醒你是時候改善生活，令之後的時間過得多采多姿。
10. 「轉工」不停出現於腦海
如果你三日唔埋兩日就諗好唔好轉工，上網瀏覽討論區時都係睇有關既帖子，甚至已經問晒身邊朋友，姨媽姑姐六婆七嬸你轉唔轉工好的話，唔好再諗喇！其實你需要既係一個假期同一份勇氣。