【網民熱話】中招同事疑有腦霧 復工後記性變差工作效率大降


香港第五波疫情持續,確診個案已逾百萬宗。有打工仔指同事早前不幸染疫,復工以來不但記性變差,有時更會留下「手尾」,需要他人代為幫忙。同事明言康復後因有腦霧等後遺症狀,導致工作表現大不如前。

該名打工仔於討論區發文,指有同事早前不幸染疫,康復後復工便「做返佢自己啲手尾」,但認為對方的效率及表現均與「中招」前有明顯分別,「做嘢做到天一半地一半,做一件事可以又有啲手尾剩低要再執」。他指目前公司仍實行在家工作,而同事即使犯錯亦只是「自己嘥自己時間」,未有影響他人,故其他同事也不會理會。

樓主指,康復同事日前再次有「甩漏」,稱對方發電郵時竟忘記插入主要附件,「唔畀附件我哋就睇唔到佢個excel做成點」,直至其他同事詢問對方才發現,更直言「係喎,唔怪得好似爭啲嘢。唔好意思哈哈,我仲腦霧緊」。樓主聞言感無奈,稱從平日簡單的言談之間難以確認康復同事「係講真定講笑」,又指「佢話自己仲有啲唔舒服就更加鬧唔落佢」,不禁問網民:「原來腦霧真係會咁樣㗎?」

帖文引來網民討論,有人認為同事只是以染疫開玩笑,「好明顯講笑啦,緩和下做錯嘢嘅尷尬啫」、「佢係唔小心,所以以笑遮醜,原諒佢一次啦」,而樓主亦指「希望真係講笑啦,不過上網睇,見到後遺症嘅腦霧都好常見」。

亦有網民指,腦霧屬新冠肺炎常見後遺症狀之一,認為樓主可給予同事更多包容,「佢返嚟都叫有跟返自己嘢,雖然有手尾跟,但你都係話佢自己執返啫,email漏attachment咁小嘅事,提聲就得,何須計較?放鬆啲啦」、「沒有人想在工作上有錯漏,況且中招後都會唔多開心,期待他的後遺症漸漸好轉吧」。

💡更多關於打工仔日常分享及資訊,📱立即追蹤ECjobsonline專頁 或 💻瀏覽 www.ECjobsonline.com

文章來源:https://www.ecjobsonline.com/news/5368/%E3%80%90%E7%B6%B2%E6%B0%91%E7%86%B1%E8%A9%B1%E3%80%91%E4%B8%AD%E6%8B%9B%E5%90%8C%E4%BA%8B%E7%96%91%E6%9C%89%E8%85%A6%E9%9C%A7--%E5%BE%A9%E5%B7%A5%E5%BE%8C%E8%A8%98%E6%80%A7%E8%AE%8A%E5%B7%AE%E5%B7%A5%E4%BD%9C%E6%95%88%E7%8E%87%E5%A4%A7%E9%99%8D.html

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→