【網民熱話】蠟筆小新爸爸野原廣志究竟點養得起成頭家？

最近有網民研究蠟筆小新一家人嘅收入，大家幫小新爸爸－野原廣志計算咗用佢哋嘅人工點樣喺東京生活，結果發現野原廣志同香港好多打工仔一樣都係月光族，究竟佢點養得起成頭家？
大部分香港人都應該有睇過蠟筆小新呢套動漫，基乎係所有人嘅童年回憶。蠟筆小新入面寫嘅嘢都係日本核心家庭日常生活嘅寫照。

眼利嘅網民發現其中一集蠟筆小新有提到，野原廣志作職位為課長（即大組長；喺日本算係中低級職位）月入只有30萬！東京一般打工仔平均月入約46萬，亦即指小新爸爸人工少於平均值3份1！

有精明嘅網民就幫佢計返港紙，發現佢人工只有$21,000，扣咗佢老婆俾佢既10%零用，實際上得返$19,000。春日部既獨立屋大約210萬港幣一間，佢供32年大約要供$7,000一個月，即係得返$12,00。當水電煤上網家居保險$2,000蚊，養車洗費約$1,000。每個月可以洗既錢得返大約$9,000。然後再扣一家伙食費約$5,000，最大發現就係佢哋一家四口（連一隻狗小白）每個月先得返大約$4,000購買日用品／娛樂／應急／旅行！

當大家發現小新一家四口，每個月只剩4,000蚊可以駛嘅時候，網民就諗佢究竟佢點維持到頭家！
所以有部份網民留言指，美冴要咁慳係有原因，不過佢曾經撞爛過兩部車。不過亦有網民指出美冴一啲都唔慳，仲要周身名牌！


寫到呢度，小編不禁喺度諗美冴究竟收埋咗幾多私己錢無畀老公野原廣志知，亦有睇開蠟筆小新嘅Fans表示小新一家人成日出街食飯去旅行，大時大節仲會食靚和牛，相信野原廣志嘅花紅一定係好可觀先可以咁豐衣足食！

香港打工仔同野原廣志比邊個慘啲？根據政府統計處最新公佈嘅數據指香港打工仔每月人均入息係一萬九千蚊，相比起野原廣志嘅月入二萬一，低大約二千蚊，不過根據政府統計處2019/20年度數字，本港家庭每月平均開支約30,230元，香港一個核心家庭（假設有兩個大人和一個小朋友），父母2人都要返工先夠照顧小朋友及家庭開支。

香港家庭主要開支係以下呢幾項：
租金 （約30%）
膳食費用（約18%）
學費（約4%）
管理費及其他住屋雜費（約4%）
資訊及通訊服務（約4%）

所以喺香港地「衣食住行」係大部分打工仔用錢最多嘅地方。計我話，香港打工仔同野原廣志同樣咁慘。