【職場懶人包】7個你未必知的gmail功能

打工仔日日都要check成千上萬個email，email越多功能當然就越好，做起野上嚟都有效率啲嘛！咁唔知好多人用開的gmail，又有咩我地仲未發掘到嘅功能呢？
1. 收回寄出的郵件
雖然話就話講出口嘅野，就好似潑左出去的水一樣收唔番，但send email就可以比你後悔！只要在gmail setting中啟動undo send的功能，再較埋可收回郵件的時限，咁就算唔小心手快快send錯左野，或者突然之間醒起有野未打都冇有怕啦！


2. 回覆所有人
想在電郵回應所有收件人，reply all的功能實幫到你！等你唔洗又重新copy過啲電郵地址，但啟動左reply all功能就要非常小心！明明剩係想覆上司一個，變成回覆全公司的人就瘀爆喇！

3. 自動回覆電郵
放假唔想覆email？但又要通知番對方幾時會覆到佢 ? 只要開啟vacation responder功能就得啦！唔洗花時間check同覆email，寄件人又可以清楚知道我們的工作時間和得到回應，掂曬！

4. 授權他人使用帳戶
打工仔個個都忙到死，唔得閒每個email都覆到，呢個時候，就可以授權家人或者同事幫忙處理郵件。只是在setting中grant access to your account一欄按add another account，再輸入授權者的電郵地址，得到認證後，對方就有權讀取、發送和刪除你的郵件架喇！
5. 善用聯絡人資訊
Gmail所顯示的聯絡人資料，可以方便大家即時打電話、傳訊息比對方，亦能迅速搵番上次的附加檔案文件，提高工作效率。

6. 自訂郵件簽名
以前玩blog、玩論壇的時候，都鐘意自訂簽名同閃圖，gmail同樣可以做得到！只要在signature一欄自訂字體、顏色或圖片，以後send email就唔洗次次都要打下款嗰欄啦！

7. 匯入其他email account
Gmail 唔單止支援自己的電郵，大家仲可以在gmail使用公司帳號或其他的郵件帳號。只要在accounts and import中的send email as，加入你其餘使用中的電郵地址即可 ! 而發送到你任何一個account的郵件，一樣會寄番去gmail裡面！十分方便！
Email差不多係每個打工仔每日都必用的文書工具，古語有云 : 工欲善其事，必先利其器，想提高工作效率，就必先從每日都用到的email入手！