【Exchange知多少】Exchange國家知多啲 (歐美篇)

上一篇講完Exchange 出發前要準備嘅事之後，今次我哋綜合左部份學生會選擇的熱門Exchange國家嘅一些特別注意事項，下面又有冇你嚟緊要去的國家呢？
【英國】
到英國Exchange，如果逗留時間少於半年的話係唔需要辦簽證架！不過有學生就話入境的時候，海關通常會有好多問題問你，仲要出示番所屬學院的錄取通知書、當地住宿證明、回程機票，甚至銀行存款單和6.5分以上的Ielts成績單等等，準備出發到英國Exchange的同學仔記得帶齊曬所有文件喇！
英國夏、秋季氣溫約10℃至17℃，春、冬季則徘徊在10℃以下。英國天氣比較多變不穩定，大家出街都記得帶番把遮同帶外套喇！
在英國用餐食物都比較肥膩同大份，唔使一個月就可以食到你肥足十磅！不過在超市買野，例如Sainsburys、99 Pence Store、Tesco和Poundland等等，物價都唔算高，自己煮又平啲同健康啲！買電話卡揀Lebara會比較平，5蚊英鎊就有成500MB數據，仲可以用成差不多一個月！
只在英國逗留幾個月的話，可以採用Barclays銀行存款，HSBC、Santander和Lloyds TSB等銀行就只接受最少逗留一年的學生的存款。兌換英鎊方面，MoneyCorp是其中一家比較方便快捷又可靠的兌換公司，幫襯過的學生都推薦架！
交通方面 : 最平就係搭Megabus，如果Megabus唔停目的地，就可以選擇搭National Express。
Nottingham、Liverpool和Birmingham等城市治安比較差，Oxford和Cambridge環境就比較舒服同清靜，亦都相對較為安全。不過在英國，最好都係唔好一個人在夜晚周圍行，很多搶劫案都是發生在夜晚同清晨時份！所以在英國，去邊都係成班人一齊行安心啲！
【美國】
要獲得美國簽證，齊全的資料和簽證官對你的印象是十分重要。需出示父母這兩年的收入證明、就讀證明、最高學歷的成績單和赴美學習計劃，並承諾完成交流後會即時返港。美國夏、秋季平均氣溫約20℃，春、冬季則平均 -2℃至10℃。
不少到美國Exchange的遊學生都會選擇住在寄宿家庭中，要尊重寄宿家庭的生活習慣和宗教信仰等等，並多啲主動協助家庭的大小事務。
到美國Exchange通常都不允許中途回港 (包括假期) (除特別需要)、提前到達或離開，家人亦不能夠前往美國作探訪，都不建議家長主動聯絡寄宿家庭或學校以詢問學員的生活近況。
出發前一至兩個星期收到寄宿家庭的資料，美國國務院轄下的機構，會先評估寄宿家庭的背景、收入和居住環境等等，所以學員不需要擔心。基本上寄宿家庭會提供免費住宿和早、晚餐，甚至假期活動安排，午餐、衣物、個人用品、電話費和上網費等就是由學員自行負責。萬一學員和寄宿家庭在相處上遇到困難，指家地區的代表會提供24小時的服務，為學員提供協助、聯絡、進行協調並了解情況。【德國】
德國夏、秋季氣溫約11℃至20℃，春、冬季則徘徊在10℃以下，大家執行李時要注意帶多幾件衫喇！
毛巾一定要自備多條，因為在德國買紡織品特別貴架！
個人洗漱或護理用品帶唔夠或者唔記得帶 ? 唔緊要！去Rossmann買夠曬平 !
德國超市比較難搵到亞洲食材和調味料，物價亦較高。
德國不論是食肆抑或店舖都會較早關門 (約晚上6:00)，要出外買野或者食晚飯就請早喇！
德國很多學校考試都容許學生帶字典入考場，所以最好帶備字典，因為考試前圖書館的字典通常都被人借曬架！
【法國】
法國夏、秋季氣溫約15℃至24℃，春、冬季則大約5℃至15℃。
法語基礎要打好，最好先在手機下載好法語字典。巴黎水源比較不乾淨，不建議直接飲用或用嚟洗漱，最好買濾水器。
法國治安較差，經常有搶劫案發生，有時報警都冇用，應小心保管好個人財物，唔好出夜街，最好一大班人一齊出入，多個照應。
在法國，政治是一個較為敏感的議題，出發前最好先了解法國的政治狀況。
法國較多罷工、罷課的情況發生，應以自身安全為首位。如認為自身學習受到影響，可參與反罷課的活動。
法國人做事較「慢條斯理」，所以在法國排隊時、等回覆等須有耐性。
法國人比較容易黑面同欺善怕惡，所以最好唔好同佢地講英語，記得多講法語同保持笑容。
【澳洲】
澳洲夏、秋季 (6至10月) 氣溫大約15℃至20℃，春、冬季 (11至5月) 則大約20℃至25℃。只要辦妥打工簽證就可以在澳洲工作，不過就要去稅務局辦理稅號。
工作每年收入不超過6000蚊澳幣可辦理退稅，逢7至10月是申請退稅的時間。
在澳洲打長途電話好平，有電話公司仲會推出唔同的免費優惠，唔少學生就揀幫襯Optus。
本身有車牌嘅只要拎埋護照去到澳洲都可以揸車，甚至買車，但澳洲修車費用則較高。
唔少醫務所都會為海外學生提供免費診治和感冒藥，至於牙醫和感冒藥以外的藥的費用就除外。
睇完以上咁多個交流生要注意的事項，唔知有冇解決到你一啲有關Exchange的疑難呢？如果仲未有你想去Exchange嘅國家，咁就要留意下一篇日本同其他亞洲國家要注意嘅事項。