証件相扭蛋機爆紅 可扭出陌生男女素顏證件相

​大家會想收藏陌生人的證件相嗎？日本扭蛋真係無奇不有。動物、動漫、卡通款式以外，仲有唔少走騎呢路線的扭蛋，同樣大受歡迎。有公司推出最新一款「赤の他人の証明写真」，竟然同陌生人証件相有關。

日本最近有扭蛋公司最近推出了全新產品，但藏在蛋裏的不是動漫產品或可愛公仔系列，竟是一張張陌生人的證件相，除了有養眼少女、還有西裝大叔、嚴肅大嬸、公司職員等，證件相扭蛋在日本 Twitter 引發熱議，網友紛紛留言表示：「邊位呀？」、「要來做乜嘢？」、「眼神好凌厲」。
扭蛋大多數用來做擺設，但屋企、辦公室擺張陌生人的證件相也太詭異。製作人寺井廣樹表示，疫情下大家戴住口罩，很久沒見過街上路人個樣，而證件相少有P圖，是最接近人素顔同真實樣貌的照片。因此萌生了呢個念頭，同大家開個玩笑。相中人都係搞手的朋友，或是得到網友同意才使用相片。雖然冇實際用途，但扭蛋一推出就大受歡迎，現在唔少網友竟主動自薦成為相中人。現時證件相扭蛋一式有 10 款，唔知之後會唔會多推幾款呢？