嫌覆電郵沖咖啡煩 programmer自製懶人程式

科技進步的確為人類帶來更多方便，現今很多工作都可以透過電腦程式去效勞，可節省不少時間。不過為求「懶」，你可以去到幾盡？一位外國programmer就將電腦程式物盡其用，將其應用在日常工作中，例如覆客、請假、向老婆解釋甚至是沖咖啡都用程式自動搞掂，認真懶到出汁！
有一位名為 Narkoz 的網民日前在 GitHub 上公開了一批程式碼，並表示它們是由一位已離職的舊同事遺留下來。而且這些程式碼的用途更是匪夷所思，因為據知任何需要花超過 90 秒時間去完成的工作，這位舊同事都會一一製作出相關的程式完全自動化完成。

首先介紹老婆專用方案：每當夜晚9點後佢仍然登入公司伺服器，未返工番屋企，就會自動發送訊息畀老婆，話自己未走得，再從預設清單內揀個理由配落去。跟住係用嚟對付麻煩客仔嘅程式碼，先自動掃瞄電郵，若然郵件內容包含'help/trouble/sorry' 等求救字眼，就命令系統將該客戶嘅數據庫恢復至最近備份，然後回覆「朋友唔使擔心，下次小心啲」。
朝早遲醒想射波佢都有計，遇著朝早8點45分伺服器冇佢登入記錄，老細會收到封請假信，內容大意為是日身體不適，希望在家工作。當中最厲害的莫過於「沖咖啡程式」，程式倒數17秒後hack入咖啡機，開始煮咖啡，之後再過24秒倒出嚟，過程剛好同佢個位行去部機需時一樣，一分一秒都計到盡。