近年網購盛行，港人都好習慣上大陸淘寶網買嘢，究竟港人一年淘咗幾多錢寶，到依家都從未有一個官方數字，但相信都會係一個驚人數字。最近有位女網民喺討論區，上載咗一張截圖，該圖其實是淘寶公佈用戶累積嘅消費額，呢位女士9年內花費超過85萬人民淘寶，折合逾百萬元港幣，足夠買一層細單位的首期。
呢個Post立即引起不少網民討論，網民追問她究竟買了什麼，該港女自言也不清楚為何花了這麼多錢，強調並沒有做代購生意，平日只會買衫、褲、鞋、家居用品等，不過也稱曾有一段時間賦閒在家，極沉迷上網。
她回憶：「試過4年前買衫買到同個賣家月結，個賣家都唔洗我次次比錢，一月結一次數，試過一個月找差不多一萬比佢，個個月係香港找換店往大陸張卡度轉錢，果時無野做，日淘夜淘，想起都勁後悔。」
該淘寶迷更稱自己的壞習慣更影響了年僅5歲的女兒，「現在個囡5歲都識自己按淘寶出來睇，睇有圖的評價，出街睇到鐘意的野就同我講，媽咪你上淘寶搵啊，影響真係好大。」不過她也指淘寶貨確較市面便宜，隨時相差一半，有人提到如她不用來淘寶，拿來當首期也夠時，她也懊惱地表示，自己現在也無錢買樓。
有網民就安慰她說：「你掉返轉諗，你唔買淘寶都會係香港買野，當你啲淘寶平均數係香港買的半價，即係你已經慳左八十萬了。」
請按此登錄後留言。未成為會員? 立即註冊