型！史上最細最精美手錶便當

香港打工仔公務繁忙，有時連食飯時間都可能要做嘢，隨時都係買個飯盒返辦公室食。有無諗過可以邊行邊食慳返啲時間？
日本最新發明 BENTO WATCH 可以幫到你，呢隻表面你以為係手錶，實情係一個便當，睇完片大家都抓哂頭，到底咁細個便當夠邊個食？

史上最細最精美的「手錶便當」
其實呢條係一間日本公司拍的宣傳片，眾所周知日本人做事是世界級認真，公司專程請嚟４個唔同範疇的專家去拍攝呢條片，專家團包活手錶專家、中華料理師、袖珍藝術家同整容外科醫生，團隊好認真去製作呢隻直徑只有3cm嘅 BENTO WATCH！錶裡面仲有一個機關，一撳個制就會有一對伸縮筷子彈出嚟，打開錶面就可以隨時隨地邊行邊食，仲有呢隻手錶主打的是「飲食均衡」，便當裡有齊各種蔬菜提供每日所需營養！
睇完條片小編都心郁郁想訂返隻，但呢隻 BENTO WATCH 全球只此一隻，不設公開發售，咁到底佢係賣咩廣告？原來佢係一間蔬菜供應商嘅廣告，不得不佩服日本廣告人的實力！