有一種愛情叫鄧麗欣方力申

//「完了吧 如無意外 重今開始 該好好戀愛」相信大家都有睇過，甚至可能有討論過方力申(小方)同鄧麗欣(Stephy)真‧分手嘅消息…
小方同Stephy 兩位一直都係我哋心中嘅金童玉女，係螢幕情侶，更是童話情侶。

//「是受罪也好 聽聽你哭訴 你說難過總比分手更好」
2003年，一首《好心好報》把兩人的緣分悄悄埋下伏筆並已被封為最登對螢幕情侶，歌曲中小方曾經唱過呢句…但最後還是選擇分開…

//「努力過的 建立過的 最後我要共你分別」
好可惜，十年的感情最後都係令人傷心嘅結局。十年…人生有幾多個十年？有好多網友，包括筆者自己都接受唔到呢個殘酷嘅事實
//「不想再流淚但如何避免 有些美好將一直懷念 有些創傷將不斷挑戰 必須知道緣分是真的到此」
2006年，一套首次合作嘅電影【獨家試愛】令二人開展歷時十年的戀情

//「我相信是世間說共你都應該登對 我心裡也許輕輕後退」
2010年，終於因為佢哋去馬爾代夫旅行，令佢哋嘅地下情浮上水面
2014年，佢哋再以情侶姿態接受王祖藍同李亞男主持蜜月節目
2015年，小方同Stephy 因為《紀念日》呢套電影接受好多唔同平台嘅訪問

//「我共你去到最遠 也只是友情」
人大左，會因為成長成熟了而迫自己唔可以太易流眼淚，但有好多時，你點忍眼淚都會不自控咁湧出黎。有種痛係痛入心扉，就係當你決定要忍心捨棄自己最愛嘅，捨棄曾經死都唔想放手嘅，捨棄曾經自己覺得幸福過嘅。心入面會有好多嘅唔捨得，崩潰咁喊到手震晒，但最後你會明白，有好多野，始終係要放手。


圖：鄧麗欣 facebook

//「共你相識三千天 我沒名無姓　慶幸也與你逛過 那一段旅程」
Stephy喺Instagram嘅聲明提到：
『小方是我認識最好的男生 沒有福份跟他走到白頭 只怪緣份的安排
沒有權利遺憾 沒有必要後悔
成全可能是更大的愛 成全對方找到更合適的 成全對方找到另一個自己』
呢段文字雖短但卻令人心痛，文字中每一處都藏有衷心感激的愛，小方和Stephy雖然無牽手到最後，亦唔想成為最熟悉嘅陌生人。我哋應該做嘅，係送上祝福同尊重佢哋嘅決定。

//「同屋主的某君 情感疏得太親 忘了共你初吻 有過動魄驚心 如今吻別才吻 如有病至測體溫」
Stephy：
『十年來我們一直在同一條道路上向著同一方向努力前行
但漸漸地 我們的步伐開始有點不一致 我們遙望著各自的風景
而對方也悄悄地變成了各自的風景…』
其實最傷最痛的一定係當事人，雖然fans都不自覺咁為佢哋傷心埋一份，畢竟她和他嘅故事，係唔少粉絲曾經憧憬嘅幸福，不過論心痛，邊個都唔會及得上她和他。

//「不敢說容易但仍然願試 能成熟地放下一個人 勇氣很多 世界很大 我有信心能一個人一次」Stephy：
『現在只能說 對不起!讓大家失望了!
我的世界裡從來不存在童話 只有愛
我們的愛都是真實存在的 不虛不假』

多謝Stephy，其實佢無必要說對不起，從來一段感情就係兩個人嘅事，最多都係兩個家庭嘅事。不過她並無迴避，就如Stephy聲明中所講，要面對呢一個沉重決定，結束十年感情，唔容易，但我哋已經係大人，應該要成熟學識如何痛著來微笑。

最後筆者真係好希望小方同Stephy能走到白頭，雖然你哋分開已成事實，但亦希望你哋會好似Sammi 同安仔一樣，分開左先發現原來最適合最愛都係對方。
亦祝福大家仍然繼續相信愛情。
//「就算世界如童話 抱著想像實現它」

P.S. 愛情同職場一樣，好多時有好多無奈，你以為你選擇得正確，但時間話比你知道並唔一定；有時候你又會好苦惱應該如何取捨，舊的有感情，新的又好似更有憧憬…
希望大家能夠好似愛情一樣，搵到一份岩自己而且覺得開心幸福既工作。

文：喬安妮
聲明來源：鄧麗欣IG (stboo)
歌詞：日久生情、好好戀愛、同屋主、好心好報、分手的情書、就算世界無童話