​【放工先嚟OT】辦公室最令人憤怒的時刻


打波先嚟落雨!趕時間先嚟冇帶銀包!生命中一定唔少得幾個掃興又令人憤怒的時刻,返工亦都一樣,你越係唔想發生的事,佢就越會好似想同你作對咁頻頻出現!

1. 放lunch/收工先嚟趕文件
放lunch同收工前的時間,一定係大家最期待又蠢蠢欲動的時候,偏偏在呢個咁開心的moment,總會有一大疊文件突然之間棟喺你面前,唔做完就唔洗旨意食飯或者放工!最頂心嘅係上頭一個二個都走曬人,得番你一個繼續搏殺!想話哽個杯麵都唔得閒!I know that feel, bro.

2. 臨返工先嚟落波
每次打風香港人都會好興奮,唔係因為要去海邊感受下個風的威力,而係齊心期待緊會唔會有得放假,但礙於李氏力場的關係,大家的期望永遠都會落空,cut-off時間前總會落曬波,打工仔係時候夠鐘返工去逼車喇!
3. 開會過曬鐘都唔放人
開會啲人永遠唔講重點是常識吧?但講廢話講到過曬鐘人道嗎?重點係你地阻住曬我們食飯、收工,你地又好唔好意思繼續吹?

4. 只怕豬一般的隊友
分組搞project、做proposal,大家都希望可以同相熟又能力高的同事一齊合作,不過世事永遠往往都係事與願違,同你一group的永遠都係啲咩都未上手的新人或者出名做開free-rider的同事,最後做曬成份計劃書嗰個都係你自己。

5. 遇着犯眾憎同事
在職場上生存,最着緊的一定係要同咩同事相處,如果比你遇着啲八卦、鐘意搬弄是非、愛卸膊的同事,日日對住佢地真係人都癲!

6. 準備去旅行時先請知唔到假
有咩絕望過,plan好曬行程、book好曬機票、酒店,在準備出發嘅時候,先知道公司臨時有件好緊要嘅事急call 你返去處理,搞到無得去旅行!真係喊出嚟都冇用!

返工最怕咩野?冇錢食飯?比上頭鬧?Nonono!最激氣的莫過於係一啲連你都控制唔到嘅野!放lunch先嚟趕文件、臨返工先嚟落波、同豬咁蠢的同事同一組等等,先係世上最令人崩潰的時刻!

留言


請按此登錄後留言。未成為會員? 立即註冊
    快捷鍵:←
    快捷鍵:→