【網民熱話】港式財務自由分9級  你去到邊一級?

唔少打工仔都希望實現財務自由,提早退休,它意味著擁有足夠的財富和被動收入,無需依賴工作收入,即可維持理想的生活方式。不過要擁抱財務自由一點都不簡單,譬如在本港,曾經就有報道指,要在香港實現財務自由的成本相當高昂。港人需要至少400 萬美元(約3,120萬港元),才能達到財務自由的目標。

近日網上就瘋傳一份最新的香港財務自由9大等級表,讓大家一目了然自己距離終極目標仲有幾多路要行。由「星巴克自由」到「購物自由」,分為不同級數,貼文曝光掀起網友熱議,好多打工仔自嘲「得食西北風自由」。

有網友在IG分享最新的香港打工仔財務自由等級表,由Level 1的「凍飲自由」到Level 8的「人力自由」,應有盡有:

Level 1. 凍飲自由:凍飲加兩蚊唔使諗
Level 2. 咖啡自由:Starbucks、瑞幸、Blue Bottle想飲就飲,唔使挨即溶
Level 3. 廉航自由:幾百蚊一張快運機票,任何時候享受行刑快感
Level 4. 餐廳自由:幾千蚊一餐當散紙跌咗,想食乜就食乜
Level 5. 包包自由:幾萬至10幾萬蚊一個包包,用幾年除翻開濕濕碎
Level 6. 商務/頭等艙自由:條腰同時間值錢, 揀機票唔會再揀經濟艙
Level 7. 金錢自由:收息收租或其他被動收入已經洗唔曬,啲錢越洗越多
Level 8. 人力自由:想請邊個請得起,10萬唔夠扔100萬,100萬唔夠扔1,000萬,1000萬買唔起扔1億
Level 9. 住屋自由:世界各地都有Penthouse、獨立屋,鍾意住邊就住邊

港版「財務自由」等級表曝光掀起一眾打工仔的熱議,不少人感歎:「吃土自由」、「我只有吃統一布丁舔杯蓋的自由」、「我只有吃蛋糕的自由」、「得食西北風自由」。還有網友搞笑留言:「我應該是算負幾層的呢?」、「點解無Level 0?」

原文刊於:
https://ecjobsonline.com/news/c/3975/%E3%80%90%E7%B6%B2%E6%B0%91%E7%86%B1%E8%A9%B1%E3%80%91%E6%B8%AF%E5%BC%8F%E8%B2%A1%E5%8B%99%E8%87%AA%E7%94%B1%E5%88%869%E7%B4%9A%C2%A0+%E4%BD%A0%E5%8E%BB%E5%88%B0%E9%82%8A%E4%B8%80%E7%B4%9A%EF%BC%9F/

留言


請按此登錄後留言。未成為會員? 立即註冊
    快捷鍵:←
    快捷鍵:→