放暑假返邊種暑期工好?

歎世界之最 於 22/07/2022 發表 收藏文章
最近臨放完榜,DSE生最近應該好得閒呢,呢個係最適合搵錢嘅時機。咁大家又搵到自己想返嘅工未呢?未嘅話就等小編同你地講解下啦~

1.店務員
辛苦度:***
有唔少嘅連鎖店都會喺暑假搵學生part time,店務員主要都係喺間行行企企 、服務下客人答下佢地有關商品嘅問題,但會無得坐,而且有時仲要入倉攞貨、執貨,放貨上架,所以對於岩岩出嚟社會做野嘅同學都有少少吃力。

2.侍應
辛苦度:***
有飲食業都好缺侍應,侍應主要工作係幫客人落單寫野同出餐咁,有時如果店舖嚴重缺人嘅話,就要入埋廚房度洗下野。再加上,香港有唔不西客,做得飲食業都要有面對西客嘅心理準備。

3.文員
辛苦度:**
大部分嘅文員都係有得坐住咁做野,相對其他工嘅輕鬆得多。文員主要工作係喺電腦打字,要識中英文打字同MS Team嘅使用方式。

4.活動助理
辛苦度:****
喺7至8月個陣,會展度會有好多唔同嘅推廣活動,例如:美容、書展等。主要工作係sale下客或者收銀,但係要一日做8至10個鐘,而且某啲分司更要要求要返足曬佢要求返嘅日子。

5.倉務員
辛苦度:*****
倉務員主要係用勞力賺取金錢,要不斷搬貨連貨。再加上有部分嘅倉嘅無冷氣,要喺咁悶熱嘅天氣下搬貨,真係身心俱疲。小編都深感佩服。

最後小編希望大家都可以享受暑假嘅來臨同時,都搵到自己想做嘅part time。

留言


請按此登錄後留言。未成為會員? 立即註冊
    快捷鍵:←
    快捷鍵:→