DSE生出路

話咁快各位DSE生都放左榜啦！唔知各位有無考到好成績呢！不過依家嘅你地係時候踏入人生嘅另一個階段啦。如果考得唔太理想又仲未諗到繼續升學定出社會做野，不如睇下呢篇文章啦。

1.Asso副學士
如果你今次考得都有5條2嘅話，你可以考慮讀asso。讀asso主要係為左舖路讀返上大學，大部分學生讀完之後都可以直升讀返大學。仲有啲課程如果你讀完出嚟成績好嘅話，可以畢業asso之後直讀大學嘅year3架！

2.高級文憑同副學士一樣，最低嘅dse成績要5條2。但如果你唔想再曬時間讀上大學嘅話，咁高級文憑就岩曬你啦。高級文憑課程主要係為左俾準備出嚟社會工作嘅學生所培養出嘅技能，當中提供埋實習嘅經歷。

3.重讀
如果你自問今次考出嚟嘅成績只係差少少就讀上大學，咁重讀都係一個好嘅選擇嚟。但係重讀好考驗自己嘅主動學習能力，唔可以偷懶，要不斷做papers。

4. 出嚟社會工作
如果你覺得自己無天份讀書，更唔想曬時間曬金錢讀書進修嘅話，直接出嚟做野亦都係好嘅選擇。縱使可能學歷會比其他人嘅低，但早啲出嚟做野所累積嘅工作經驗會比其他人嘅多，咁都係件好事。
以上都係小編個人俾各位DSE生嘅意見，喺做決定前最好同身邊嘅家長、老師同朋友商量下，祝各位錦繡前程。