〔奧斯卡系列〕偽影評 - Hidden Figures《NASA無名英雌》 精選 推薦

Photo source: imdb.com

我相信當大家望到依套戲嘅Poster同中文戲名，一開頭真係未必會有興趣睇。三個唔靚嘅黑人，一個好娘嘅戲名...當初唔知佢係Best Picture Nominee我都真係唔會留意到Hidden Figures依套戲。

所以話，譯名同張Poster係幾咁重要。

Hidden Figures個名就有趣得多。
又一套Based on true story嘅戲，講當年美俄太空競賽，美國NASA準備將首位美國太空人送上太空。
Hidden: 講NASA入面嘅一班黑人女姓（包括三位主角），當年受盡歧視同壓迫，Coloured people前，Coloured people後，仲要被分隔响一幢山旮旯咁遠嘅地牢做嘢，但係憑住努力同聰明，成為NASA當年送人上太空嘅重要角色。
Figures: 主角中嘅主角Katherine Johnson係一位數學天才，計數勁過IBM。當然，figures 都指三位主角。

Overall speaking套戲節奏拿捏得唔錯，兩粒鐘話咁快就過咗，適當時候又有輕鬆笑位。
而佢講當年黑人女性被逼迫，都從一啲生活細節去講：toilet要分開、咖啡壼要分開、搭車要分開...
我一直心入面都擺住一個唔撚係啩嘅樹熊樣，點解可以咁樣對待只係同自己膚色唔一樣嘅人？
有啲難受，果然文明都需要時間去向前踏步。
膚色都算，仲要係女人，更加俾人睇低一線。
所以最後睇到三位主角被重用同被肯定，係有感動。

無可否認依套戲都幾好睇，但係又其實有啲啲普通…
我相信當中講美國NASA嘅威水嘢令依套戲响評審心中默默加分，加幾多當然係hidden figures，再加上係講黑人＋女人，題材上係幾合乎依家Academy Awards嘅口味。
我重申，唔係唔好睇，係幾好睇，亦值得睇。只係係咪咁～好睇咁正去到Best Picture我就有啲hesitation嘞。

BTW 係咪响美國捱到出頭嘅黑人演員得好少呢？
依套戲其中一位主角Janelle Monáe同時有响Moonlight飾演Juan嘅正斗女友Teresa；
而做Juan嘅Mahershala Ali又响依套戲做另一位主角嘅老公Johnson。
好搞笑！

Anyway 唔好俾佢張poster同戲名嚇親，都值得一睇吖！