〔奧斯卡系列〕偽影評 - Moonlight 《月亮喜歡藍》

偽品味 真鳩噏 於 31/01/2017 發表 收藏文章
Photo source: imdb.com

套戲比我想像中好睇好多。

原本都有啲後悔買咗飛,成九點九先開場,又係成兩粒鐘嘅戲,個人都有啲攰了。
但係睇完就覺得好彩買咗飛睇,然後明白點解佢會贏Golden Globe Best Motion Picture - Drama,亦係奧斯卡Best Picture大熱嘞。

套戲分三個部分:Little, Chiron, Black,分別講緊主角童年少年青年嘅經歷。
佢無一個好catchy嘅高潮位,而係將主角嘅經歷娓娓道來。
做主角唔同時期嘅三位男演員都將情感演得好subtle,因為主角本身就係一個唔多鐘意講嘢嘅人。
對白唔多,但係好emotional。特別係主角重遇返佢鐘意咗好耐嘅舊同學,嗰種難以言喻嘅感情,非常動人。

依個世界擺好多標籤响人身上:男人女人雙性人;異性戀同性戀雙性戀無性戀;白人黑人黃種人...人類總係習慣將嘢分類,而人又會犯賤地歸邊。
我一路睇套戲,一路諗,依位主角包含晒所有會被bully嘅元素:黑人,同性戀,單親,媽媽係有毒癮嘅妓女,到底佢係點樣過活?
講緊依部戲亦係based on true story,到底依個世界有幾多人因為其他人無謂嘅標籤而被bully緊?Physically mentally又為咗依啲白痴受到幾多嘅傷害?

依家有愈嚟愈多關於同性戀嘅電影面世,大家總係覺得依啲片比較特別,因為唔係一向睇緊嘅正常戀情。
到底幾時,依個社會先可以行前到一個地步,我哋唔再標籤人哋相愛究竟係咩戀,而只係單單嘅愛情?
種族亦都一樣,舊年奧斯卡「全白化」令到各界都要求佢哋評審再改組。
我覺得都叫做係一個進步,你見今年有nomination嘅黑人可謂大幅增加。
但係又有無諗過,其實咁樣係咪俾咗non-white嘅人一啲advantage呢?會唔會因為唔想再俾人話係white washing,對於有黑人演員/幕後人員嘅戲,評審眼光會有所不同?
希望總有一日,大家唔會再視膚色為一個label。

We are just human beings. We are all the same.

後記︰剛剛過去嘅SAG (Screen Actors Guild Awards)男配角得主係Moonlight入面做Juan嘅Mahershala Ali。
佢講嘅一段說話好感人,以下節錄兩段︰
“What I think I learned from working on Moonlight is you see what happens when you persecute people. They fold into themselves. What I was so thankful about in having the opportunity to play Juan was playing a gentleman who saw a young man folding into himself as a result of the persecution of his community, taking that opportunity to uplift him, and tell him that he mattered and that he was okay and accept him. And I hope that we do a better job of that."

And it is a matter of choice to see people's differences:
"You know, we kind of get caught up in the minutiae and the details that make us all different. I think there’s two ways of seeing that. There’s the opportunity to see the texture of that person, the characteristics that make them unique. And then there’s the opportunity to go to war about it."


留言


請按此登錄後留言。未成為會員? 立即註冊
    快捷鍵:←
    快捷鍵:→