偽影評-Split 《思.裂》

偽品味 真鳩噏 於 24/01/2017 發表 收藏文章
Photo source: imdb.com

依套戲其實嚴格嚟講係2016嘅戲。而我都記得我好似好早就已經睇過佢條trailer。
唔知搞乜,等等吓,去到2017先睇到。

我相信依類片都幾受香港人歡迎,睇佢响各大戲院狂開場就知。
我無認真研究係咪場場爆滿,但係真係有好多場。
我好耐無試過係覺得依場個位唔太好,有第場俾我揀,而只係一個鐘之後嘅場(可能都同我揀嘅戲有關…)。

當然,佢個故事係好吸引。我當初以為佢係《廿四個比利》改編,原來唔係!(只係都係廿四)
最期待當然就係睇James McAvoy點樣一個人演咁多種人格出嚟啦。
即使唔係廿四個格出晒嚟,演其中幾個都已經好有難度。

睇完,其實James McAvoy算做得好唔錯,特別係做細路嗰part。
不過套戲個亮點反而係俾佢綁架嗰個女主角Anya Taylor-Joy。
佢唔係靚,但係就係做到嗰種oddie感。加埋套戲成個氣氛都緊張,overall都叫唔錯啦。

不過唔知係咪expect太多,我睇完無乜話覺得好好睇,覺得就住嗰廿四種人格各自嘅爭持同矛盾著墨太少。
有啲晒料,我相信男主角可以handle更多人格,令到佢個角色更加立體。如果唔係,其實以佢嘅演技,憑住依啲高難度角色(一人演n角喎大佬),無理由提名都無。
劇本真係有少許敗筆,但係如果as a thriller嚟睇,依套就已經合格有餘啦!
標籤: 電影  影評  Split  思裂  Jame McAvoy  Anya Taylor-Joy  

留言


請按此登錄後留言。未成為會員? 立即註冊
    快捷鍵:←
    快捷鍵:→