Photo source: imdb.com
依套戲其實吹風吹咗好耐，因為係Natalie Portman繼Black Swan之後最有機會再拎奧斯卡Best Actress嘅戲。我相信要將一個曾經咁出名，尤其係美國人咁熟識嘅一個角色做得好，係非常有難度。
我對Jacqueline Kennedy嘅認識唔多，睇之前都只係係咁二google吓。
而我對套戲嘅評價係，如果你想睇Natalie Portman，give it a go，你會睇得好開心。
原因係基本上係佢獨腳戲咁滯，故事完完全全focus响第一夫人响Kennedy遇刺身亡後嘅經歷。
Focus到一個點係個鏡頭somehow直情係避開President Kennedy個樣。
Natalie Portman演技係無容置疑，最令我amazed嘅係佢模仿first lady把聲同accent真係有8成似，仲要好consistent。
我對accent無乜研究，基本上只會聽得出唔同accent有分別，但係up唔出係咩國家／地區。但係睇戲都好易聽到有啲演員响模仿accent係有啲障礙，就算有時似，某啲對白佢又會少許偏離返佢自己本身個accent（筆者偶像Rooney Mara somehow就係其中一個，當年佢扮瑞典人Lisebeth Salander，accent俾人媽叉）。
而Natalie Portman係成套戲都consistently用同一個accent去演，我重溫返當年Jacqueline嘅片段，真係O晒咀。
相信佢真係下咗好多苦功，講嘢、甚至舉手投足都好有真人嘅影子。
不過
如果單睇套戲，我覺得係唔好睇。
有人話套戲剪接好勁，確實成套戲都不停跳嚟跳去，想從多角度去睇依位第一夫人。
但係真係有啲悶，而阿第一夫人時癲時正常時講啲怪怪對白搞到我都好confused。惟一比較好睇嘅（除咗單睇Natalie Portman）係主角同Bobby Kennedy(總統細佬）嘅對手戲。
我唔排除有人會覺得好睇，特別對美國近代史有認識同興趣嘅人，但係就真係唔太啱我口味嘞。
所以亦都解釋到點解依套戲只為Natalie Portman帶嚟獎項同提名，套戲係無乜中啲Best Picture嘅。
不過，就如我一開頭响LA LA LAND篇影評所講，睇戲多數都只有兩個原因，一睇人，二睇故事。
中咗Natalie Portman，相信都已經可以吸引唔少人買飛入場睇。
BTW，我一直都比較鐘意同Natalie Portman孖生咁樣樣嘅Keira Knightley多啲。
無錯，Natalie Portman係有啲貴氣，高傲嘅氣質，都已經係好有型；但係Keira Knightley就比較貼地，而且有種不羈嘅味道，加埋佢嘅British Accent…正呀。
我相信到依家都仲有人以為魔盜王嗰個係Natalie Portman，然後Thor入面嘅係Keira Knightley。
又或者兩個都係Natalie Portman。
喂喂，依套嗰個係做《這個殺手不太冷》嗰個呀，分到啦啩？
咩話？係咪即係Begin Again唱歌嗰個？！哎呀救命呀…
依套戲其實吹風吹咗好耐，因為係Natalie Portman繼Black Swan之後最有機會再拎奧斯卡Best Actress嘅戲。我相信要將一個曾經咁出名，尤其係美國人咁熟識嘅一個角色做得好，係非常有難度。
我對Jacqueline Kennedy嘅認識唔多，睇之前都只係係咁二google吓。
而我對套戲嘅評價係，如果你想睇Natalie Portman，give it a go，你會睇得好開心。
原因係基本上係佢獨腳戲咁滯，故事完完全全focus响第一夫人响Kennedy遇刺身亡後嘅經歷。
Focus到一個點係個鏡頭somehow直情係避開President Kennedy個樣。
Natalie Portman演技係無容置疑，最令我amazed嘅係佢模仿first lady把聲同accent真係有8成似，仲要好consistent。
我對accent無乜研究，基本上只會聽得出唔同accent有分別，但係up唔出係咩國家／地區。但係睇戲都好易聽到有啲演員响模仿accent係有啲障礙，就算有時似，某啲對白佢又會少許偏離返佢自己本身個accent（筆者偶像Rooney Mara somehow就係其中一個，當年佢扮瑞典人Lisebeth Salander，accent俾人媽叉）。
而Natalie Portman係成套戲都consistently用同一個accent去演，我重溫返當年Jacqueline嘅片段，真係O晒咀。
相信佢真係下咗好多苦功，講嘢、甚至舉手投足都好有真人嘅影子。
不過
如果單睇套戲，我覺得係唔好睇。
有人話套戲剪接好勁，確實成套戲都不停跳嚟跳去，想從多角度去睇依位第一夫人。
但係真係有啲悶，而阿第一夫人時癲時正常時講啲怪怪對白搞到我都好confused。惟一比較好睇嘅（除咗單睇Natalie Portman）係主角同Bobby Kennedy(總統細佬）嘅對手戲。
我唔排除有人會覺得好睇，特別對美國近代史有認識同興趣嘅人，但係就真係唔太啱我口味嘞。
所以亦都解釋到點解依套戲只為Natalie Portman帶嚟獎項同提名，套戲係無乜中啲Best Picture嘅。
不過，就如我一開頭响LA LA LAND篇影評所講，睇戲多數都只有兩個原因，一睇人，二睇故事。
中咗Natalie Portman，相信都已經可以吸引唔少人買飛入場睇。
BTW，我一直都比較鐘意同Natalie Portman孖生咁樣樣嘅Keira Knightley多啲。
無錯，Natalie Portman係有啲貴氣，高傲嘅氣質，都已經係好有型；但係Keira Knightley就比較貼地，而且有種不羈嘅味道，加埋佢嘅British Accent…正呀。
我相信到依家都仲有人以為魔盜王嗰個係Natalie Portman，然後Thor入面嘅係Keira Knightley。
又或者兩個都係Natalie Portman。
喂喂，依套嗰個係做《這個殺手不太冷》嗰個呀，分到啦啩？
咩話？係咪即係Begin Again唱歌嗰個？！哎呀救命呀…
請按此登錄後留言。未成為會員? 立即註冊