【西營盤。超正魯肉飯。阿元來了】 精選

**不忘讚好我的Facebook 專頁：
https://www.facebook.com/findfindeateat

女友說一直掛念台灣的魯肉飯，而香港其實好多台灣店提供都只係肉燥飯而非魯肉飯。咁啱見到因為西鐵線開通而上了媒體報導嘅「阿元來了」，就決定搵個星期6中午去試試。(不過係搭巴士去...}

小店於Openrice 已略有名氣，嚟到時大概2點鐘已有約3-4枱人等候，等待時間尚可接受


要留意係部份食品有限應時間，例如蚵仔煎就只限14:30 - 17:30 供應，所以今次去到時間啱啱好。

店內裝修模仿台灣老街風味，仲有檳榔西施添．．．．



一場嚟到，即使只有 2 個人都一口氣叫晒想試嘅嘢：魯肉飯、鹽酥雞、香菇肉羹、蚵仔煎、珍珠奶茶．．．清晒枱，但飽咗一日lol


先講講此行目的 - 魯肉飯！絕對無令我哋失望！豬腩肉肥瘦均勻，入口即化感覺正正子！汁嘅味道並唔太咸，份量啱啱好唔會浸到飯身太淋，而且大大碗，每人一碗勁滿足:)


鹽酥雞 - 感覺一般，個人應為無乜特別喜好可以唔試
香菇肉羹 - 如果你鐘意食碗仔翅的話，呢個都係必叫的！一入口充滿冬菇、胡椒粉、芫茜香味，再加埋少少醋味開胃，食完一啖就好想再食落去~


蚵仔煎 - 同樣是正宗的蚵仔煎做法，粉漿煙靭，蠔仔味鮮味重(有點似食生蠔海水味嘅感覺)，海鮮汁味道開胃，同蠔仔是絕配！

珍珠奶茶 - 味道幸好不是太甜，不過整體都係淡，可以接受。

埋單大概 $19x，不過食以上份量兩個人飽咗一日．．．．．有機會的話應該會再encore 魯肉飯及試試其他小吃！

阿元來了：
西環西營盤第三街73號地舖