【DSE 2020 救命 Checklist】致應屆DSE考生 – 生理心理準備 、必做必買必備

Flowsophic 飄識 於 06/04/2020 發表 收藏文章

原文: https://flowsophic.com/blog/2020/01/09/dse-strategy/
網站:https://flowsophic.com
博客:https://flowsophic.com/blog
個人:https://ffclassroom.com
個人博客:https://ffclassroom.com/blog


臨近DSE前夕,有好多非常重要嘅事係大家需要做、有好多非常重要嘅習慣係大家需要養成的,你都唔想到時起唔到或者帶漏野考唔到DSE的 🙁
以下就分享嘅一個checklist,使大家生理上同心理上都準備好DSE!

➖➖➖➖➖

儲備口罩

今年2020年考生真係被時代選中的一群 🙁 確保留番最少20個口罩係自己房,唔好比屋企人用左。記得係書包長期擺4-5個口罩同埋一支酒精搓手液以備,不時之需。係考試嘅時候都唔好除口罩,DSE前後都去廁所洗手,考試時唔好捽眼耳口鼻。

戒食煎炸野同飲凍野

我都知要忍口係好辛苦,但如萬一你到考場突然肚痛,又或者你臨考試感冒喉嚨痛,相信你溫得幾多都發揮唔到你所有功力。以上兩款係致病高危物,由今日開始,飲食清淡,調理身體,避免一切唔健康嘅食物,你想像唔到一件咁簡單嘅時可以幫到你幾多。

早睡早起,切忌捱夜

如果有睇我直播嘅同學應該會聽過我講好多次!第一係如果你一直都好遲訓 (2點或之後) ,你DSE前夕緊張,就更多大機會訓唔着,考DSE當日就好容易訓過龍或者唔精神。而且太遲都會令你下一日嘅溫習效率減低,百害而無一利。如果你平時晚睡晚起,我個人建議你地由今日開始,唔理你琴晚幾點訓,今日幾點起身,12點即刻上床。可能你會攤1-2個鐘都唔着,但只要捱2-3日,你就可以習慣到一個正常嘅生理時鐘!

買定裝備 (收音機同手錶)

主要係文具同收音機。如果你呢刻仲未有收音機,咁就最好係開考前一星期準備2部。個人建議Sony傳統有天線嗰款,又或者Philips都可以,唔太建議所謂「DSE專用收音機」。上carousell搜尋「收音機」就可以,有好多人放的,唔洗買新。記得試埋耳機work唔work,通常收音機會送。如果無,keep兩個耳機旁身。

而且我極建議你買隻手錶,普通指針錶就可以了,電子錶好多時有響鬧功能有機會出事。 (利申:考化學時有人手錶響左,最尾比人督左出去填報告…)

執好文具

而文具方面,依家執定一個筆記會長期放係你到時帶去考場嘅書包入面,免得你到時唔記得執。依家試一試你手頭上文具係咪每一支都work,你會需要:

鉛筆兩支 (MC用)、鉛芯筆三支 (滿芯)、鉛芯一盒
藍色原子筆三支、黑色原子筆一支
螢光筆三支 (各不同顏色)
間尺兩支
塗改液一支、塗改帶兩個、塗改帶芯三至四個
圓規一個、量角器一個、直角尺一支 (數學用)
入哂計數機program

多數人會建議帶兩部計數機 (一定要有寫「H.K.E.A.A. APPROVED」),有啲人甚至可能需要三部。依家check清楚你入面所有program (可能8個,可能12個) 係咪全部都work,每一條program搵一條題目試一次,再自己計一次。記得記埋計得每一個計數機邊一個program係做咩,寫低張label提自己。記得將計數機上面多有嘅字擦走,同埋係其中一部計數機加少少標註,等自己用program時知道邊一條打邊一條。

去各考場踩線

想信好多人都講過的,呢件事最好係呢個星期做,未係太近考試有多少少free time。唔好只係認路,計一計由屋企出發去嗰間學校要幾耐時間,幫你手到時真係考可以預時間。而且唔好只係由一間學校去另一間學校咁行,而係要返返去最近黨鐵站/巴士站/小巴站再由頭行去每一間你未去過嘅學校。Swipe右可以見到我當年係點寫的!

印多一張A5 DSE準考證副本,放係銀包

算係都市傳說。如果萬一大家唔記得帶準考證去考場,呢份副本隨時救你一命,真實work唔work唔知,但不妨一試。

➖➖➖➖➖

希望同學們都已經完成以上每一個checklist item 🙂 如果有任何你未做好嘅,就一定要趁依家剔左佢,確保自己可以以最佳狀態應戰2020 DSE!

➖➖➖➖➖

無論係中六定係中四五同學,網上課程都為你地而設。不再因成績氣餒,理解讀書嘅要訣,調整讀書策略的意識,掌握5**級嘅讀書方法!

以下係講座嘅重點內容!

1. 五大讀書錯誤觀念 – 付出時間仍無收獲的原因
2. 如何寫專屬自己的筆記大大縮短溫習的時間
3. 極多學生不懂的正確Past Paper操練方法
4. 由一年前的校內測驗開始計劃步步進迫DSE
課程大獲好評!用一、兩本書的價錢,換取能終生受用的讀方法?想了解更多有關高效學習法的網上課程,就按以下的Google Form鏈結!

🔹報名網上課程:https://forms.gle/vBSjqeKjZJXqo2Vc8
🔸網上課程網站: https://ffclassroom.com/
🔸Facebook專頁: FF教室
👊🏻有好多DSE技巧、大學生活既片都會係上面!各位記得準備下自己😝

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→