(New)一篇文幫你準備2020大學Interview:自我介紹、小組討論、事前準備、必備物品、衣著

Flowsophicdse 於 10/06/2020 發表 收藏文章
不知不覺2020 DSE已經考完,終於可以脫離操練DSE Past paper嘅苦海,開始思考自己未來想進修嘅學科,因為話咁快又到排JUPAS的階段了!相信大家都陸陸續續要準備大學Interview吧! 不想在臨門一腳失去黃金機會?我會15分鐘內一次過講完大家最擔心的事,由面試形式、衣著、自我介紹、必備物品、面試問題、小組討論甚至到內幕消息!

1大學Interview首輪面試制度

-收比較多人既科,如工程、社會科學等等,大學面試時候表現好嘅話多數係幫DSE加分,加幾多視乎你既表現,通常由半分到兩分。

-表現出眾有機會有conditional offer,DSE到某個分數就會即刻收你,收比較高分或者收少人既科,例如中大內外全科醫學士,會更大機會以conditional offer獎勵Interview出眾嘅學生。

-每個科目嘅Interview Schedule都唔同,一定要上佢地嘅網站望清楚,同留意Email!

-JUPAS排位時一定要留意,好多科(尤其三大既科)既面試機會只會比DSE後擺Band A既學生,而且有啲1科如果你無去First Interview,有機會係放榜後要你補番!

2面試前的準備、資料搜集
面試準備絕對係必須!大家一定要做好以下嘅資料搜集同諗法啊!
網上,尤其係Instagram有好多唔同科學生嘅個人分享,例如呢篇講左環球商業學究竟係一科點嘅科,而呢篇就講左中大中文系。

其中嘅自我介紹尤其重要!以下比大家了解下大學1分鐘自我介紹大概要順序講啲咩:
-個人背景、性格、經歷等
-科目如何引起你的興趣
-以往參加過的有關科目、領導才能的活動
-你期望你讀大學時會做的事
-對未來既寄望、個人夢想

***面試前必須知道的知識***

悄悄提一提其實每間大學想收既學生既性格都唔同,例如CU會比較想收有禮貌、謙虛、合作能力高既學生,而UST、HKU等會比較想收表達能力強、有自信、有領導才能既學生,大家aim唔同大學時記得係面試比番少少演技/做番自己。

P.S. 有Professor係面試時問過學生知唔知佢叫咩名,大家記得research得足少少,係網站了解下唔同Professor想聽啲咩。

3 自我介紹 vs 小組面試

兩者嘅面試模式有好大嘅分別,其中個人面試比較鐘意問以下嘅細節:
-較多問你的個人經驗、
-對科目、課程認識、
-個人喜好 (Arts/Archi等)、
-志向 (尤其專科/Medic) / 未來的生涯規劃和人生計劃(例如Business: 創業大計/自己經濟獨立的方法)、
-對時事議題 (Business/社會議題,例如教育局中學復課政策) 的看法、
-對學科新聞 (Science) 的看法

而小組面試 (3-5人) 就比較鐘意睇大家以下嘅能力:
-自由討論 (在面試前先想自己吹得起的話題!)
-就某社會議題作辯論,力陳己見!
-閱讀文章+合作討論一個解決問題的策略
-即場就某社會現象/公司作限時討論+匯報

4大學Interview必備物品

出發前再睇多一次電郵!確認帶備物品、地點、時間、衣著等等,之後拎個細既袋裝哂以下物品:
-銀包、手機、鎖匙
-水樽
-幾支筆
-提示面試準備資料既貓紙
-紙巾
-一些有用的DSE筆記(例如英文Speaking罐頭句精華Notes or Social Issues爆Point框架,因為面試好大機會接觸到與該學科有關的社會議題作小組討論)
-梳、化妝品等
-有關文件: 記得睇清楚電郵內容!包括:學生證、身份證、證件相、成績表、推薦信、CV(履歷) 等等
- 早起身的意志(及早讓自己頭腦清醒,以及重溫面試須知作最後準備)

5 大學Interview衣著

你著嘅衫同儀容係十分之重要!記得係Interview前一日將所有衫燙直,女同學都可以係Interview同日化個簡單嘅妝。Email會寫你需要著Smart Casual/Business Casual或者係唔同嘅Dress Code,睇番以下嘅圖對應一下!
***Dress Code***
6 一條片+Link KO JUPAS大學Interview
仲覺得好徬徨,驚準備不足?不妨睇睇以下嘅片,用15分鐘知道哂有關大學Interview你需要的所有準備!

大學面試錦囊-FF教室

More Resources and Information:
https://flowsophic.com/

標籤: DSE  JUPAS  HKDSE  Interview  HKU  cuhk  HKUST  

留言


請按此登錄後留言。未成為會員? 立即註冊
    快捷鍵:←
    快捷鍵:→