Paper and Coffee BU:跨區外賣焗豬扒飯

猛烈南瓜在飯桌 於 28/02/2021 發表 收藏文章

講起焗豬扒飯,有平有貴,每個人都有自己no 1之選,我經常把君悅酒店「Grand Cafe」的出品掛在口邊,友人N小姐則唱反調。
她提到其中一間出色的焗豬扒飯,中環某高級中菜館,但因為與我立場迴異,應該沒有機會一試了。
灣仔的「鋒膳」,其焗豬是不少人的心頭好,聽說只限午市供應,與它暫時未有緣份;連鎖快餐店的不說啦,你還會去美心嗎?
日前見到「Paper and Coffee BU」Facebook,宣佈推出外賣焗豬扒,用上西班牙粟飼豬,價錢只賣$58,由「糖水雄」負責跨區外賣,運費多少?
$10!
有一晚其車隊外賣點,就在我家附近,即刻經whatsapp留名兼過數先。

以外賣盒來講,賣相算靚仔,用上兩款芝士:Mozzarella與車打芝士,一白一黃,加上紅色番茄醬底,卻有種鬼佬鴛鴦飯的印象。

番茄醬的甜,由蘋果賦予,平衡其酸度,給它一份自然的甜,還隱約有種焦焦地的味道作點綴,莫非是加了咖啡?

大家都應該知道,它們是Brew Note的兄弟。

番茄粒juicy,西蘭花爽而不老,用到燒南瓜來做焗豬配菜,記憶所及是第一次見。


主角西班牙半肥瘦梅頭,夠件頭啖啖肉,味道又香又甜,爽口多汁,若有樣學樣,跟君悦焗豬的偏向Veal Milanese做法,揼到扁晒,那就未必吃得出西班牙豬的個性了。


炒飯底最大驚喜,就是用日本珍珠米,粒粒分明圓潤,吸收了豬扒與醬汁的靈氣,吃罷我真的猜不透,賣到$58那麼便宜,有得賺嗎?

很難想像再以相若價錢,在其他地方吃焗豬,教我以後怎回頭?

做素菜又得,做威靈頓牛又得,做粟米肉粒又得,焗豬扒飯的水準不比酒店出品下去,葉師傅的確是一位高手。

始終未有機會試他的羊腩煲,留待年尾跟進。

PS:外賣的話,要視乎糖水雄跨區外賣的時間表,或者,直接去浸大自取。

PPS:詳情可以留意糖水雄Paper and Coffee BU Facebook

Paper and Coffee BU:浸大善衡書院邵逸夫樓4樓 

請不忘讚好我的專頁:https://www.facebook.com/foodiesmashingpumpkins

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→