承接上文。。
在SKYE晚飯後，回家不久，收到阿水的私訊：
（十月十號見。）
第二天，我whatsapp小寶：（我約咗妳師妹在雙十節飲酒食飯，有無興趣？）
小寶：（未答到你住，當我唔去先。）
我：（唔緊要，其實係好casual，你去就whatsapp我啦。）
相隔一星期，收到小寶的訊息：（果日我OK，你哋會去邊？）
本來計劃去大坑的Second Draft，原來逢周一休息，最後，地點改為灣仔廈門街的Roundhouse - Chicken + Beer。
曾經到訪過這裡兩次，獨自來喝酒，貪其有WIFI，可借個位給我寫文。適逢兩隻沒有腳的雀仔，難得同一時間在香港，不如就互相認識一下。
阿水：（我成日聽南瓜提起妳。。）
小寶：（你唔好聽佢亂講，佢對我有太多聯想。。）
兩位份屬同校同系的師姐師妹，一見如故。
地下的吧檯略嫌擠逼，於是我們上二樓。
超過二十多款on tap的精釀啤酒，洋洋大觀，奉行少喝可試多幾味的原則，第一杯，就來杯本土派，少爺啤的茶餐廳。
標榜是酸啤，入口像溝稀了的cider，點點鹹味有如鹹檸七，或許是茶餐廳名字的由來？阿水喝的是Kowloon Bay的Gluten IPA，淺嚐了一口，未能全面了解，只覺得有點平淡。
小寶手上的是Black Tiramisu Stout，她喝了一點，把酒杯遞給我。凸出的咖啡香，是我喝第一口的印象，都說，我不介意喝別人口水尾。
唔，有點甜。。很甜。。是因為她？唔。。。
開宗明義賣炸雞，餐牌上的選擇，差不多全部都係雞！
炸薯條，好送酒，即刻來多一杯少爺啤，Contemporary Pilsner。
炸磨菇外脆內juicy，菇香四射，Mac and Cheese味道香濃，質感sticky，最怕遇上水汪汪的貨色。原條粟米，留給我吧。
主打美國南部風味的炸雞，老實說，與我在PMQ ISONO，月前由Sarah Simmons客串期間，吃過的炸雞相比，Roundhouse做得略為遜色。不過有啤酒又有朋友，足以拉近一點距離。
很多時候去評價一次餐飲經驗，食物水準固然重要，周圍氣氛，也是重要的一環。
像這晚我們三人行，肆無忌憚坐在二樓，邊喝酒邊吃炸雞，一邊談論世界大事，越講越學術性，果然，文學人有文學人的思維，我差點搭不上咀。
酸酸甜甜的水牛雞翼，吃到啜手指，然後喝一口啤酒。
最後來一杯大，Deschutes Brewery之前只喝過瓶裝，今次有on tap，豈能錯過？Session IPA的啤酒花個性較為低調。對不起，隨意的飯局，沒有寫筆記，以上喝過的啤酒，全是我最直接的感覺。
三杯啤酒與炸雞，渡過了三個多小時的光陰。
我舉起酒杯：（中華民國，生日快樂，乾杯！）
可惜酒吧這段期間，沒有台灣啤供應，否則整件事更加完美。
小寶與阿水，相逢偏未晚，只是時間不會停下來，阿水月尾回丹麥，看來我們三人下次見面，在倫敦？在丹麥？
抑或，又在香港？
以後未來一向是個謎，不必牽強去說盟誓，有緣的話，總有機會。
Roundhouse - Chicken + Beer：灣仔廈門街29號地下
請不忘讚好我的專頁：https://www.facebook.com/foodiesmashingpumpkins
請按此登錄後留言。未成為會員? 立即註冊