本來，我沒想過在拍板小館搞飯局，因為身邊有很多朋友去過。
開飯周慧敏高呼：（我未去過喎！）
M：（有興趣，你係咪搞先？）
酒友：（去完都可以再去！）
寡不敵眾，闊別四個月的窮L飯局，在拍板小館擺下擂台，連開五圍，反應熱烈得此料不及。
一共六十多人的飯局，需要預早準備一下，數天前寫定一張菜單，預算每人平均＄300，海鮮，海味，家禽，湯水，每樣都寫一點。
（整盅靚湯好喎！）我建議。
（例湯已經好靚。）飯店經理Ken哥道。
我同意，因為我喝過幾次這裡的例湯，鑊鑊新鮮鑊鑊掂。
大局上的沙參翅群豬肉湯，奶白色呈然著濃甜，香滑，份量頗多的湯渣，佐以醬油同吃，足以成為另一道主菜。
為甚麼拍板小館，成為威士忌之友們，其中一個飯聚熱點？（平生未去過拍板，縱稱威友也枉然，我說的！）
免收開瓶費！
免收開瓶費！
免收開瓶費！
因為很重要，所以我講三次。
當然，如果菜做得不好，你倒貼我開瓶費也不會來啦。這裡的價錢實惠，用心製作，從而贏取一眾食客歡心。
風沙茄子是拍板的另一代表作，沾滿鹹蛋黃的茄子，甘香得起沙的外表，裡面的茄子，依然保持其美態，最佳的下酒菜之一，吃到至此，又送一杯威士忌。
另一道披著黃金聖衣出場的菜式，大家耳熟能詳的椒鹽鮮魷，入口酥脆乾爽，彈牙鮮甜。
德國豬手以避風塘形式入撰，只會變得更加香口惹味。
今次的鮑汁花膠扒，仗著人多，索性一大窩上，另加柚皮是另一種識食的態度，鮑汁與柚皮，從來濃情化不開。
花膠怎樣好吃，之前寫得太多了，不贅。處理得宜的柚皮，盡收鮑汁的濃甜，人類永遠是最貪心的動物，得一自然想二，得二就想進三，可否給我一份鵝掌？
你就想？！食麵啦 X你！
鮑汁撈粗嘢，確係認真唔少嘢。
一條大斑分兩味，翡翠斑球與果皮蒸頭腩，我只顧一邊喝酒，一邊四圍走，視察環境，看看有沒有人借醉掃背。最後我沒有吃，可惜可惜。
豉油皇煎海中蝦，香口得連殼吞，面不改容，與桌上的Ardbeg漩渦很匹配。
豬油渣炒菜並不是珠江酒家的專利，拍板一樣有，只是欠缺一種像前者的霸道。
Ken哥推薦這裡的脆皮燒雞，他說：（咁多人，叫一隻啦，我哋用新鮮走地雞。）
薄薄的香脆雞皮，肥瘦適中的雞肉，嫩滑中帶彈性，果然有水準。
忽然，霸氣十足的影大，拿出私伙。
相片來自友人Facebook
朱咪咪口中的男人強身妙品，鹿茸大補酒！
（窮L梗係飲呢啲啦！）影大強調。
出奇地，同場有些女生，包括最年輕的甜仔，永恆玉女開飯周慧敏，異口同聲地說好喝。
如果我們的共同語言，是大補酒的話，你估會發生甚麼事？
應該。。。。會。。。。用來配甜品。。。。。卦？
最後奉上的甜品，我終於鬆一口氣，走過隔離檯，與型女M碰杯，兼認識一下她的朋友，把杯中的威士忌喝光，感覺如釋重負。
作為搞手實在不易為，如果當晚招呼不周，請多多包涵。
下一次窮L局見。
窮L飯局Facebook：https://www.facebook.com/groups/46849813888
拍板小館：佐敦偉晴街14號地下
請不忘讚好我的專頁：https://www.facebook.com/foodiesmashingpumpkins
請按此登錄後留言。未成為會員? 立即註冊