（你去到布魯塞爾想食藍貝嘅話，千祈唔好去果間遊客熱捧嘅Chez Leon！）舊街坊T小姐對我說。
（咁。。。 有乜好介紹？）我問。
（上次去咗Chez Leon隔離果間，無乜人，但係服務好，食物水準佳，但我唔記得咩名。。。。。。。）T小姐答。
同一條街，很多間餐廳賣藍貝，除了Chez Leon之外，其他餐廳要企出街拉客，務求在強敵當前搶一點油水。
行出Grand Place範圍，在喝魚湯的同一條街，有間主打藍貝的餐廳，Le Pré Salé，生意興隆，沒有訂位之下只能望門輕嘆。
即刻訂第二日的午餐，一位，得咗！
裝修是典型法式Bistro格調，正午十二時來到，我是第二位客人。
吃藍貝當然配酒為佳，先來一杯比利時的Jupiler，Stella Arotis，Leffe，與好加頓在香港賣到成行成市之際，Jupiler則未曾見過。
藍貝有數種做法，個人屬實白酒煮，一大窩賣24歐元。
等待大約差不多半小時，堆得滿滿的藍貝鍋便奉上面前。
每一粒藍貝新鮮飽滿，沒有沙石兼臭味，不信？看看圖中的藍貝，多飽滿？你在香港的比利時餐廳，實在難以找到質素相若的藍貝。
白酒帶著酒香，加上西芹，更突出藍貝的本性，每個人的口味不盡同，有些可能喜歡忌廉汁，啤酒，甚至是泰式辣汁，個人而言則愛白酒煮藍貝。
吃剩的湯汁，沾薯條吃，一樂也。
由入座到埋單，吃了一個多小時，食客們陸續到埗，離開之時，全院滿座。
現今歐羅低水，變相歐遊打八折，這一頓藍貝午餐，包一杯啤酒，26.5歐元。
如果在香港，吃相同份量，起碼三百多。
哎呀，其實我不應該拿來比較，香港真係乜撚都貴。
Le Pré Salé：Rue de Flandre 20, 1000 Bruxelles
請不忘讚好我的專頁：https://www.facebook.com/foodiesmashingpumpkins
請按此登錄後留言。未成為會員? 立即註冊