每個人都曾經幻想自己係一個精靈訓練員 精選

我哋曾經都幻想自己住喺純白鎮，都以為自己係小智，都希望一早醒來可以選擇屬於自己的小精靈，也希望到世界各地收集不同既寶貝，由黃版紅版金版銀版水晶版紅寶石藍寶石綠寶石火葉綠鑽石珍珠翡翠黑白太陽月亮，目標只有一個。

一路走來，始終如一。

講癲，細個揸住部嘅gameboy color日打夜打，每次捉精靈都要㩒到啲制就爛咁，爆左關都重要升努力值，再唔係就睇攻略捉神獸，咁顛唔顛？

講癲，細個嗰陣揸住一堆寵物小精靈卡，超大聲咁係公園同人差包剪揼，贏咗就可以攞咗人哋張卡，可以因為輸咗一張飛天噴火龍而喊足一晚，咁顛唔顛？
講癲，嗰陣一個星期＄300零用錢，可以用多個一半嘅飯錢用嚟買晒寵物小精靈卡，再上網約啲唔識嘅人出嚟交收或者鬥卡，咁顛唔顛？

因為寵物小精靈，我哋每個人都癲過，但係亦都代表住我哋每個人都青春過。唏噓嘅係，而家新嘅一代有邊個仲會咁重視寵物小精靈？有邊個仲會有如此戇居嘅一個幻想？而已經唔再細我哋，有邊個又會因為寵物小精靈而再次瘋癲？「下你唔係鍾意寵物小精靈呀咁白癡」有邊個仲會咁堂堂正正咁承認佢曾經同寵物小精靈有過一段好深厚嘅感情？

係，Pokemon go 啲人玩得好癲，係好撚癲！

但係有好多人同你一齊癲嘅時候，癲得來好熱血，好青春！

可能影響到你行路，可能影響到你揸車，對唔住。但係希望你都醒起⋯⋯

曾幾何時，我哋大家都幻想過自己係一個精靈訓練員。