全港近300萬人合資格 「Hong Kong BNO Visa」1月31起接受申請

移民四方~~ 於 12/01/2021 發表 收藏文章
好多國家因應香港近日政治狀況,都決定放寬移民政策,例如:英國、加拿大、澳洲等等,其中英國推出嘅「Hong Kong BNO Visa」移民計畫最受到港人關注,大家1月31日起就可以申請啦!

所謂5+1 方案係指英國俾居港BNO持有人嘅有限度居留權,申請人可以去英國讀書/做野,住夠5年就可以永久定居,再住多1年就可以入籍啦! 所以5+1方案真係一個入籍英國嘅絕佳方案。

全港有成300萬人有權申請,就知道申請資格唔太複雜啦~ 其實所有BNO身份嘅人同埋佢地長居香港嘅屋企人都可以申請。如果你目前係住係英國,只要你原居住地係香港都可以申請! 申請嘅時候最緊要證明到自己有能力以自給自足方式係英國生活到最少6個月就ok架啦~

至於財力證明就可以係香港銀行戶口儲蓄、 係英國期間嘅工作收入或者其他屋企人嘅收入 等等...


為左迎合大家需求,單單係入籍程序,英國就已經提供左2個選擇。
第一個係申請人係英國住5年,之後就有權申請定居,擁有定居身份12個月就可以申請入籍成為英國公民架啦~

第二個方案就係先申請人先拎到30個月居留許可,之後再續期30個月。5年之後,只要申請人係英國逗留12個月就可以申請入籍架啦~

5年簽證費用大約係HK$2,400,而30個月簽證費用大約係HK$1,900。

想移民英國嘅朋友就記得1月31日去申請啦~

如果喜歡我們的文章,請即分享到︰

標籤: 移民  移民英國  英國移民  英國  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→