台灣係交通、防災、生活有同香港有咩唔同? 移民後有咩要適應?

移民台灣一直都係港人嘅熱門話題，但台灣係交通、防災、生活有同香港有好多唔同，有好多野都要去適應。😔

1. 防災
首先係災方面。香港一直都冇咩天災，地震、強颱風等等都好少經歷。但台灣因為地理位置，夏天成日受到強颱風吹襲。如果你住係基建設施冇咁完善嘅地區，返工返學會比較煩，因為好多時候要面對水浸問題。尤其係東海岸嘅居民更加要多加注意，因為東部受災情況通常都比北部嚴重。所以如果你住東部，而且住緊嘅單位比較殘舊，就要多D留意天花漏水同窗框滲水等問題。
至於地震方面，台灣時不時都會地震發生。因為香港冇咁嘅問題，所以移民東地後一定要做好準備。如果你係住係東部，就需要 準備多啲防災用品 同埋 多做演練，咁發生起事上黎都淡定D啦~。

2.交通
香港交通四通八達，好多地方都係搭地鐵就去到。但原來係台灣，除左台北同高雄呢2個地方有完善嘅捷運系統外，其他地區嘅交通都好依賴巴士同電單車，生活機能冇香港咁方便。所以如果大家打算移居到台北同高雄以外嘅地區，我都建議大家入鄉隨俗，去買返部電單車黎令生活便利D。

3.垃圾分類台灣同好多亞洲地區一樣好注重垃圾分類都。相信大部份香港人都對垃圾分類都冇好深入認識，所以大家扔垃圾前要睇多D相關資訊，配合返當地政策，適當咁將垃圾/廚餘分類。

垃圾車文化係台灣嘅特色之一。大家可以按照返指定時間係收集點等候，當垃圾車到達嘅時候就會播放指定嘅音樂，呢個時候大家就可以將垃圾袋扔入垃圾車裡面啦。因為垃圾車每日會經過同一地方2-3次，所以大家唔洗驚屋企要積存幾日嘅垃圾啦!