移民台灣 : 台灣「六都」知多D - 新北市篇

台灣有「六都」
每年都「返家鄉」嘅大家又數唔數得晒「六都」呢?
等我今日同大家講下其中一都 - 新北市啦!

簡介

新北市係台灣本島最北嘅城市，就好似香港嘅新界區咁! 近年好多香港人都鐘意定居當地，貪佢幅員遼闊，臨近台北市，而且三面臨海，東北、北部、西北部都可以見到海。獨特嘅地理位置令新北市擁有豐富嘅海景奇觀同埋海岸風光。每年6-9月，新北市嘅海邊都會佈滿人潮，山海線更係台北人最鐘意嘅旅遊路線之一。
除左海岸風光，新北市仲有好多山景同文化遺址。例如係南部有雪山山脈嘅支稜，有大量山同埋溪谷，係新北市內陸地景嘅一大特色。

新北市有大量旅遊景點，例如係觀音山風景區、九份、淡水、東北角、野柳、板橋林本源園邸、鶯歌陶瓷、三峽老街等等，各類型嘅風景同名勝古蹟都應有盡有。

新北市邊區最好住?

根據網民嘅投票，佢地覺得以下5個地方最宜居

第一位:蘆洲
第二位:永和

第三位:板橋

第四位:三重

第五位:新莊


前五位都有個共通點，就係佢地都同屬新北市早期開發嘅地區，所以各類設施應有盡有，幾步路就可以滿足晒大家衣食住行嘅需要。

新北市有咩好?

1. 多個商圈
新北市有多個商圈，好多娛樂。其中幾個比較有名氣嘅商圈包括: 輔仁大學商圈，淡江大學商圈，林口老街，長庚商圈等。

2. 樓價低，回報高!由於近年捷運已經覆蓋左部分新北地區，出入台北市更加方便，令更多台北市居民考慮搬到新北市。而且新北市圍繞台北市，但樓價就比台北市低得多，如果你係台北市工作，但又唔想用花好多錢落租金，新北市就啱晒你~! 林口區就係其中一個例子，受惠於捷運嘅發展，佢已經由一個普通舊區變成最受歡迎嘅新北地區啦。