移民台灣 : 台灣「六都」知多D - 桃園市篇

移民四方~~ 於 07/01/2021 發表 收藏文章
台北大家都成日去
但如果要你講北部地區有三大都
你又講唔講得出佢地嘅分別呢?
上一篇同大家講完新北市
今日就等我同大家介紹下另一個港人移民熱門城市 - 桃園市 ~

簡介

桃園市係台灣嘅直轄市,「六都」之一,佢西面係台灣海峽、東臨宜蘭縣、北接新北市、南與新竹縣為界。截至2020年10月,桃園市大約有226萬人口,係台灣設籍人口第五大嘅直轄市。

除左「六都」成員外,桃園亦有好多唔同身份。例如,佢同時屬於「首都生活圈」、「桃竹苗生活圈」成員。

桃園市住邊區好?

桃園市的行政區域劃分為桃園區、中壢區、平鎮區、八德區、楊梅區、大溪區、龍潭區、蘆竹區、龜山區、大園區、復興區、觀音區、新屋區等13個行政區。

唔同地區各有特色,例如桃園核心區主打方便,如果以方便為主要考慮,可以選擇落戶桃園區。蘆竹同龜山區就主打住屋空間同埋環境清淨。大家可以按照返個人情況考慮落戶邊區。

但總體黎講﹐大部分港人都會選擇桃園區同中壢區。因為無論生活機能成熟度、交通便利程度,定係就學環境都比其他地方優勝,更符合自住客嘅需求。

生活品質

桃園市好容易搵到公園,公園密度冠絕全台,適合鐘意做運動或者有小朋友嘅你。而且桃園市物價比起台北低,亦唔似台北咁擠迫,空間感強。

交通

至於日常交通方面,好多人會擔心冇捷運呢個問題。其實桃園市有好多條巴士路線,交通四通八達,而且有好多巴士班次,絕對足夠應付日常返工返學需要。如果路程唔遠,仲可以使用公共自行車租賃系統Ubike,出入都十分方便。
標籤: 台灣  台灣移民  移民台灣  移民  

留言


請按此登錄後留言。未成為會員? 立即註冊
    快捷鍵:←
    快捷鍵:→