最愛的咖哩雞飯

樂在其中 於 28/10/2013 發表 收藏文章

呢碟就係我最愛的咖哩雞飯,今日午餐見天氣冷,又肚餓,食咖哩暖身又好味。不過一食咖哩我就跟唔到宇宙飲食,因為我覺得咖哩與飯是絕配,缺一不可。

咖哩個汁都幾肥架!但咖哩本身又有消脂和去濕嘅作用喎!所以久不久我就會食番一次來滿足一下自己。

我本身是不愛吃辣的,就只有這家店的咖哩雞飯會引誘到我,至於點解呢碟咖哩咁深得我心,原因係佢有咖哩香味但又不會死辣嗰隻, 係辣得好惹味,令人回味無窮。

這家「新馬來西亞餐廳」在紐約曼哈頓唐人街歷史悠久,最少開業20多年,最近才重新裝修及擴大了!仲有一碟蜜汁牛柳飯都好正架!當年未有珍珠奶茶這類台式飲品時,佢哋杯七彩冰係夏天賣到排長龍。

至於價錢在紐約唐人街算是中等吧!這個咖哩雞飯加稅後,盛惠7.08美元。

未試過又想試下嘅紐約朋友仔,可以去曼哈頓唐人街Bowery Street 46-48號中國街內28號店一試。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→