大懲罰

噚晚唔知攪乜玩失眠，點知自己又捉蟲應承小王子今日送佢返學，瞓得三粒鐘都要爬起身，對小朋友要有口齒，唔呃得。

送完返學見老公之前買落咗包香腸毒物，衰肚餓又眼瞓，走去整條熱狗食，食完諗住瞓多一粒鐘先返工啦！點知。。。瞓著一陣，痛鬼醒，條腸扭住痛，好明顯話我知條香腸有味精啦！真係抵C, 攞嚟衰，呢舖仲唔係大懲罰！嗚~~~

自從呢幾年一直有飲開酵精又跟咗健康嘅宇宙飲食後，身體潔淨冇乜毒素，一食d味精重嘅毒物，條腸就好似味精探測機咁，即時扭住痛話我知。所以呢d又多味精又多防腐劑嘅嘢，都係戒食為妙！
最衰係我老公，買包咁嘢放係雪櫃，要抦過佢至得。等陣比我位醫生細妹知我食香腸又會比佢抦一劑。


最後只好乖乖啪番30ml 排毒一哥啦！
眼瞓和餓過龍都係我C穴，一遇上就好易失手亂食嘢，平日幾好意志力都消失得無形無蹤。所以如果你減緊肥，一定要知自己C穴係邊，盡力避開先唔會中地雷呀！