拉斯維加斯之旅 Day 1 精選

聖誕節期間一家人去咗美國西岸嘅賭場拉斯維加斯渡假，玩番六日五夜，非常開心。搭早班機，多謝外甥仔揸車送我哋去機場，check in好食番個好耐冇食過的M記早餐，坐完6粒鐘航程，終於到埗。一到埗出機場，我位公主好surprise大叫：「嘩！乜機場都有角子老虎機啦！d 人由落機就可以睹到上機前呀！」哈...笑C咗！

接住拿拿聲坐shuttle bus 去car rental center 拎車，因為各人都好鬼肚餓，想快d 搵野食，原因而家係美國坐國內機少於六小時係冇飛機餐食架陰公，比錢買可以，不過都係得餅乾薯片之類，唔食都算！
拎咗車諗住好快返到酒店check in, 扔低d 行李就出去揾吃，點知人算不如天算，條Las Vages Strip 好鬼塞車，幾經辛苦終於見到酒店入口，但我老公竟然揸過龍，miss 咗個入口，天呀！只好沿住條大路繼續行揾回頭路。

行行下望見TGI Friday, 咪理咁多，噓噓聲駛入去，食嘢先啦！之後先慢慢揾路返酒店。終於去到酒店房，今次賭場比嘅房係好得喎！大間之餘廁所仲有個jacuzzi, 正呀！咦！又唔記得帶d 爆汗湯嚟浸浴添！

休息一陣就帶兩隻嘩鬼出去逛下，經過hotel buffet, 痴線咩！條人龍最少百幾人，打咗幾轉蛇餅，決定今晚唔食buffet。一出酒店門口，兩隻嘩鬼嘩嘩聲，猛話d 夜景好靚。我位公主行行吓仲話好似返咗香港尖沙咀行夜街。同樣咁多燈，又多人又有雙層巴士，又有高樓，唯一係d 高樓冇密麻麻囉！
四處逛逛影下相，最後係Outback 食dinner 就返酒店。

去旅行前上YouTube search 睇下Las Vegas 有乜玩，因為我和老公十幾年冇嚟，點知click 下click 下，入咗一條教人用iMovie 剪片的video，發現原來唔難喎！最方便係用手機已經可以搞好條片，我又學識多樣新玩意，嘻～～～

就係咁我係旅行嗰幾日捉我三位老細做Model, 下面就係我哋旅行Day 1 的video!

有興趣嘅就睇下啦！