「熬夜睇世界盃怎搞好?」

妙筆回春 於 27/06/2018 發表 收藏文章
記者問:「有關最近世界盃個個捱夜,中醫對睇波人士有何忠告?有乜食療提供?」

大夫答:「唯一的忠告就係捱夜就一定要付出代價。而代價就係消耗能量,引起疲勞。即係有得就必有失。另外,無任何嘅食療可以彌補這個通宵達旦導致疲倦的代價。彌補足夠嘅睡眠是最佳方案。如果因此而引起其他的疾病,應該要看中醫診斷,調整氣血之有餘或不足。」

記者又問:「例如,唔夠瞓有冇調理?容易倦等,有否食療幫助?」

大夫答:「視乎個人嘅體質而決定。如果通宵導致身體氣血嘅不平衡就需要調治。如果體質好嘅人,如果短暫通宵而沒有引起不平衡,只需要足夠嘅睡眠就可以。通宵睇波同某一些行業需要夜晚長期輪班工作,又或者好似空姐經常日夜顛倒返工一樣,會容易引起慢性疾病的出現或者加重,這個時候就需要專業醫師的判斷。例如通宵睇波引起氣虛或者血虛或者氣血兩虛又或者上火,都需要不同嘅治療方案,好難一概而論。即使兩個病人診斷都係氣虛,但都不可能服用同一個處方又或者同一種食療。」


大夫補充:「我反對業界某些中醫千篇一律地舉出固定嘅參考食療,這非常容易誤導市民服用了無效的食療或處方,即使呢個食療或處方唔會引起任何副作用。」

余健楚
www.btcm.com.hk

#世界盃

如果喜歡我們的文章,請即分享到︰

標籤: 余健楚  中醫  世界盃  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→