踏入新一年，唔少打工仔都可能心郁郁想轉工，期望可以升職加人工。但喺呢個通街都係大學生嘅年代，如果唔好好裝備自己，要揾到高薪又理想嘅工作又談何容易？HelloToby為大家選出6大有利你事業錢途嘅專業技能，想提升競爭能力，就要留意以下 進修課程 ！
1）數碼營銷
近年愈來愈多公司希望透過互聯網同社交媒體（如Facebook、Instagram等）進行營銷推廣，令數碼營銷成為炙手可熱的新興行業。唔少人認為數碼營銷甚有潛力，估計未來市場對呢類專才可能有增無減。數碼營銷人員及經理嘅月入可分別高達$20,000及$35,000。
如果你有意喺市場營銷發展，好應該學番少少相關知識。香港專上教育學院為期4個月嘅「數碼營銷專業文憑」課程，學費為$19,800。而HKU SPACE嘅「專業市場學證書（數碼營銷及顧客體驗）」則分為4個單元，每個單元學費約$3,350。
2）外語
社會日趨國際化，具備多種語言能力嘅人才幾時都咁吃香。至於學乜外語就好視乎個人興趣同工作而定，譬如你經常要返內地，又或者接觸內地客，提升普通話能力就最實際。普通話初班學費平均為全期$1,000，平均每堂$55-$75左右。如果想學得深入少少，譬如針對商業同金融專術用語，就最好揀專門課程，通常呢類課程學時較長，所以學費都更貴，如HKU SPACE嘅金融業普通話基礎證書全期80小時，學費為$4,600。
如果你喺國際企業工作，經常要接觸唔同國家（尤其是歐洲）嘅人，咁識講法語同德語等西歐語言對工作就好有利。因為呢2種語言都係歐盟嘅主要語言之一。唔同機構嘅法文班同德文班收費可以相差好遠，好似中大專業進修學院嘅法語同德語課程全期為45個小時，學費近$3,000，有個別機構嘅法語班學時僅9小時，收費已達$2,000。
你都可以上我哋免費平台，搵番個專業語言老師或語言班！
3）資訊科技
全球知名嘅人力資源公司ManpowerGroup喺2016年12月公布咗2017年第一季「就業展望調查」報告，指現時資訊科技相關嘅行業最渴市，特別係金融科技、流動通訊開發、電子商務、數據分析同網絡安全呢類新興行業。有人力資源公司更指呢類專才內部升遷可獲加薪5%-8%，如果係金融科技同網絡安全嘅職位，轉工加人工更可高達20%或以上！
即使你無意喺IT界發展，亦有必要學更多資訊科技知識「傍身」，至冇咁容易被市場淘汰！想大包圍接觸下唔同範疇嘅IT知識，可以考慮下浸大持續教育學院嘅「資訊系統專業證書」課程，全期共150小時，學費為$15,620。而中大專業進修學院就按Excel、數據分析、系統開發、網絡安全等範疇開設唔同短期課程，為期15小時嘅課程收費一般為$1,000-$1,500，而30小時課程就為$3,000-$4,000左右。
4）學寫Apps
智能手機日益普遍，App亦愈來愈受歡迎，令業界對寫App專才嘅需求大增，就連奧巴馬都曾經講過：「Don’t just play on your phone, program it!」要趕上呢股熱潮，不妨學下手機程式編寫！
有IT知識嘅學寫App固然有優勢，不過現時都有唔少機構有舉辦呢類課程，就算冇相關背景都可以報讀，例如浸大嘅「Android Apps 開發及編寫入門」全期9小時，學費只需$600。
想學寫App，你都可以上我哋個平台搵番個專業導師喎！
5）物業管理
除咗IT行業外，原來物業管理人才亦相當渴市。2016年12月香港物業管理公司協會一項調查指，若配合政府《長遠房屋策略》的建屋數字，預計物管行業於2016至2025年需要增加近2,000人手，當中約25%為註冊專業物業經理及超過6成為持牌物業管理主任，反映社會對物管專才有極大需求。
要成為助理物管主任或物管主任，首先要持有物業管理證書或房屋管理學士學位。此外，物管從業員需要處理公契、屋苑財政收支及物業日常事務同投訴，所以需要具備一定嘅法律、財務同行政知識。如有意向物管發展，坊間有唔少進修課可供選擇，如香港管理專業協會嘅「物業及設施管理專業文憑課程」，全期學費為$ 21,060。HKU SPACE則提供為期一年嘅「物業管理證書」課程，費用為$25,800。
6）英國特許管理會計（CIMA）專業資格
一聽到會計，大家可能會諗到核數審計，但原來呢啲只係一般財務會計嘅工作，而管理會計涉及績效管理、預算策劃、人力資源、財務及危機管理同等範疇，同大家熟知嘅會計工作好唔同！考取CIMA資格既可加強會計及財務知識，亦可提升決策能力、溝通技巧同商業觸覺，對將來晉升管理層非常有用。
CIMA資格獲到國際認受，唔少銀行及大公司（如怡和、太古、HSBC、新鴻基地產等）都鼓勵員工考取CIMA，一些跨國企業更將CIMA考試納入見習生計劃。想考取CIMA資格，就要完成15份考卷，並擁有3年或以上嘅相關工作經驗。中大專業進修學院嘅「管理會計高等專業文憑課程」為期約8個月（兼讀制），學費為$19,800。
延伸閱讀：【搵外快必讀】做 Freelance 的10大貼士
延伸閱讀：【家長必讀】10大有助子女升學的 興趣班
——
除咗以上提到嘅 進修課程 ，我哋個平台仲有好多專家同導師，有好多嘢可以搵人學！即上我哋嘅免費平台啦！
想加入HelloToby成為專業導師，擴展新客戶？可即按此。
緊貼HelloToby Blog同Facebook Page，隨時搵 #AskToby 幫手！
請按此登錄後留言。未成為會員? 立即註冊