[分零鐘遊張家界]張家界國家森林公園袁家界精選

由大男孩生活館於 04/09/2016 發表收藏文章

細細個就聽過張家界呢個地方，因為當年佢係一個好出名既旅遊目的地，但係大男孩要到30歲人先有機會去遊覽，不過有心唔怕遲，美景係會等人架嘛。
而家去張家界要上山，可以坐纜車，亦都可以坐觀光電梯，比起之前容易咗，亦都方便咗帶器材上山。但其實攜帶輕便啲嘅器材，專心一啲欣賞眼前嘅美景，亦都係唔錯嘅選擇。
基本上要睇到好似阿凡達咁嘅仙境唔難，就好似大男孩去嗰陣天氣都麻麻，但只要有陽光就算唔充足都可以清楚見到山谷之間嘅層次感，簡簡單單用入門級器材都可以影到唔錯嘅相片。以下就係一段袁家界景區嘅短片。希望大家鍾意。

除咗短片大男孩亦都影咗少少相，主要用咗一部天涯鏡數碼相機同一不運動相機去影，因為上到山都要行幾多路，所以選擇輕便一啲嘅器材。