“隨風 飄到那裡就那裡 反正今天都不太累”
有人會選擇窮盡一生去化成鴻鵠之姿，有人會選擇窮盡一生去揚名立萬，但走到生命嘅盡頭，就會發現終究咩都帶唔走，因爲你我都只係社會中嘅過客，過完十幾年就會離開，同時，終其一生所追逐嘅都只會化爲虛無。
我地無得扭轉人生有限嘅現實，但我地可以選擇一個點樣嘅生活態度。
如期喺社會追逐終會飄散嘅名利浮塵，倒不如單純地以直覺去體驗世界，簡單地喺城市當中。慢無目的地隨住風飄游，體驗生活中嘅脈搏，好安定咁去得到快樂。只係逍遙咁尋求適合自己嘅方向而行。唔需要去執著社會所認爲嘅成敗過錯，都唔需要太過執著生活中嘅小對錯，人生嘅小小唔如意就好似搭車搭過龍，當時可能好緊張，但其實去到總站轉返車就可以了，到日後睇返件事其實就會發現佢只係人生嘅小細節，根本無咩大不了。
;
“佢話我屋企住係柴灣要係南昌轉站
下 過左喇喎 佢話唔緊要丫 去到紅磡出去兜個round”
隨風 飄到那裡就那裡 今朝有酒今朝醉
隨風 飄到那裡就那裡 忘掉今天幾多歲
隨風 飄到那裡就那裡 有天總要乘風歸去
;
隨風首歌嘅設入點係源自一個老人喺西鐵同你搭話，問你讀完書未，同你你分享佢嘅生活體會，好有哲理嘅同時帶有一點豁達。
落到副歌所講嘅隨風，係一種隨風而行，更似係隨自己心意而行，享受當下能夠走嘅旅程，享受遠路遇到嘅風景，享受當下能有剩夠飲嘅酒，輕鬆過活，都可以係一種體驗人生嘅方向。
最後推薦大家都可以去聼下新青年理髮廳嘅歌，無論係三十已過定24，全部聼落去個人都好舒服同埋歌詞好貼合我地嘅所想。同埋大家要大大力支持本土音樂同本地嘅indie band！
港式本土- 我地希望可以推廣香港入面精彩嘅故事以及佢地内在價值，暫時主要範疇為本土足球以及本土音樂，可以去like同埋follow我地嘅ig同facebook page！
Instagram：@hk_cultural
Facebook: 港式本土
文:Makdiklong 圖片來源 :隨風mv
-----------------------------------------------
請按此登錄後留言。未成為會員? 立即註冊