你識唔識保養廚櫃呢 ?

裝修佬話你知 於 06/06/2019 發表 收藏文章
廚房係屋企使用頻繁嘅地方,廚房用品通常比較多,而櫥櫃係收納各種廚房用品嘅唯一途徑,所以我地日常要勤於清潔多加保養。唔同材質用唔同方法保養,究竟係櫥櫃保養方面有D咩需要注意呢?裝修佬話你知。


門板嘅表面防止利器劃傷,要防潮,唔可以長時間有水滴係門板上,防止水浸門板。清洗方面可用清潔劑同番鹼處理,唔適宜使用稀料和酒精。如有膠質粘係門板上可用保養清潔蠟輕輕抹乾淨即可。必要時可用少量酒精,但帶有油漆嘅門板唔可以使用酒精,用毛巾抹乾淨,切忌使用鋼絲刷,禁止濃酸、鹼等腐蝕劑接觸門板,如有接觸,需立即用中性清洗劑或番鹼清洗。

清洗廚櫃檯面時,避免水長時間留係檯面上、無論任何材質,長期浸水都會減少使用壽命。去除油煙污漬,及時用濕布去除,而陳年污垢需用清潔劑處理。 櫥櫃中嘅拉籃配件,要用乾布抹,避免水滴留係表面造成水痕。櫃體保養容易令人忽略,其實保養好嘅櫃係最唔容易損壞。

無論係使用邊一種質材嘅櫥櫃,每次使用後,應及時將抽油煙機表面、煤氣爐、牆面瓷磚同檯面抹乾淨,將使用過嘅器具及調味品記得清潔後先放返原位。

實木或實木貼皮門板保養,避免靠近熱源、電源、水源,避免陽光直曬。一般最好嘅清潔係用濕嘅皮布抹,如果一定要使用清潔劑嘅情況下,選擇溫和嘅清潔產品,再用清水抹淨便可。為避免乾裂,保養時可選擇保養清潔蠟抹。應避免使用含硝或人造合成樹脂嘅產品,否則會對廚俱造成傷害。

烤漆門板及鏡面樹脂門板要用質細嘅清潔布加中性清潔液抹,避免同尖物接觸產生劃痕。特別係烤漆門板,火源同熱源係損傷嘅主要原因之一,所以要避免高溫或火燒。

金屬材質、天然石材容易清理而且耐用,平時用乾軟布清理即可,但須注意軟布必須乾淨,而且要順著方向擦拭,以免造成刮痕。適當使用清潔劑保養,可以保持檯面光澤同質地均勻嘅外觀。

陶瓷可使用中性磨蝕性清潔劑清潔。烈性磨蝕性清潔劑會刮傷表面或令表面暗淡無光。每次使用後,要用軟布抹乾。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→