傢俱浸水點算好?

裝修佬話你知 於 23/02/2017 發表 收藏文章
出去唔記得關窗,又或者水喉漏水等問題禍及屋企傢俱被水浸嘅時候點算好呢?傢俱浸水後要首先淡定,千祈唔好擰到太陽底下暴曬來解決問題,再按照正確步驟一步步來,做好養護維修工作就可以照樣使用。究竟要點做呢?裝修佬話你知。


木質傢俱浸水後容易發黴變軟,如果浸濕位置唔嚴重可以擰到室外晾一晚,係朝早太陽出來前收返埋便可。如果浸濕位置嚴重嘅話,要即時用乾布抹乾水分,再用風筒吹乾,最後放係室外晾一晚第二日擰返便可。

浸水傢俱最好採用自然風乾嘅方式,再唔係開除濕機又得,將傢俱水分完全蒸發掉,至少先回復到乾嘅狀態,如果唔係放耐咗,內部有可能發霉。

切忌擰到太陽底下曝曬,一般嘅木質傢俱曬後會產生熱脹冷縮嘅現象,有D地方會因而龜裂、變形,表面會更加殘破不堪,況且傢俱嘅結構已經破壞掉咗,支撐力大不如從前。

將傢俱風乾之後,如果表面有損傷、刮傷,可以補D顏色相同嘅油漆,或可以擦亮光漆,可以多一層保護。傢俱專業嘅保養漆對木質保養、防霉、防蟲蛀有意想不到嘅效果。

金屬傢俱係受潮或被水浸後,應首先檢查油漆脫落部分嘅生鏽情況,如果生鏽情況唔嚴重,可先用牙刷加防鏽劑輕輕將鏽跡處理乾淨,如果情況比較嚴重,可以使用砂紙清理,等露出明亮嘅金屬層後,用乾布抹乾淨再油防鏽漆便可。

皮質沙發係入水或受潮後可以先用除霉劑清除霉點,再用皮革油擦係表面,保養時切忌乾燥,咁樣會令皮革變脆,喪失柔軟度同美觀。 布藝沙發如果入水或受潮嘅面積唔大,可用洗潔精或其他清洗劑處理,然後用風筒吹乾便可。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤: 裝修  裝修佬  傢俱  傢俱浸水  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→