裝修佬教你廁所瓷磚嘅選擇標準

裝修佬話你知 於 14/10/2016 發表 收藏文章
係裝修當中,瓷磚作為裝飾材料使用得最多,因擁有美觀、防水、防潮、耐磨性等,廣泛用於家居建築物度。 瓷磚有好多種,但唔係樣樣瓷磚都啱你屋企廁所用。市面上各式各樣瓷磚種類繁多,裝修佬今次以廁所瓷磚嘅選擇標準,為大家搜集咗呢方面嘅知識,希望幫到你。


地面瓷磚採用防滑質地

啞光面或淺凹凸造型嘅地磚防滑適合廁所地面使用。係裝修嘅時候要留意,廁所地面應低於其他房地面10至20mm。係鋪瓷磚時要考慮排水口位置要同尺寸配合,一般地磚嘅鋪設保留1%漏水坡度,排水口位最低,以利於排水。

瓷磚要吸水率低


一般來講,優質嘅瓷磚,吸水率都會低、快乾。如果瓷磚無注明吸水率,可以用茶或水滴係瓷磚背面,幾分鐘後視察水滴嘅擴散程度,越唔吸水,代表吸水率低,質量較好。吸水率高嘅瓷磚經熱脹冷縮後會導致瓷磚表面龜裂同成塊牆地磚剝落。

瓷磚質地要密度高

揀瓷磚嘅時候,可以從側面留意磚面是否平整,有無出現粗細唔平均嘅針窿。同時,可敲瓷磚聽聲是否清脆,聲音越脆,代表瓷磚質地密度高、硬度好。


用唔同花色來區分乾濕區

如果你屋企選擇乾濕裝修:即淋浴區同馬桶、洗手盆區分。可以通過唔同嘅瓷磚材質同花色品種來劃分,令兩者互不干擾,避免以往嘅水花四濺。

裝修佬溫馨提示

簡單來說,廁所通常濕度大,對瓷磚嘅要求就係咬防水、防滑性、耐磨性。廁所地磚一般用通體磚,防滑耐磨性較好,牆磚通常用釉面磚,釉面磚經過釉面處理色彩圖案豐富,防污能力強。


(以上圖片均來自網路,如有任何版權問題,請與本站聯絡)
原文連結

如果喜歡我們的文章,請即分享到︰

標籤: 瓷磚  廁所瓷磚  裝修  裝修佬  

留言


請按此登錄後留言。未成為會員? 立即註冊
    快捷鍵:←
    快捷鍵:→