裝修佬教你配置家居燈具竅門

裝修佬話你知 於 16/10/2016 發表 收藏文章
唔同形狀、色彩、風格嘅燈具,可以令室內帶來唔同嘅感覺。燈具係屋企使用次數頻繁,佔據重要角色,故唔可以隨便了事。你知唔知屋企每個區域,唔同位置應該配置邊種類型嘅燈具呢?以下裝修佬為你逐一講解。


玄關

玄關係入屋俾人最初印象嘅地方,佢嘅設計如何,會直接影響客人對成間屋裝修嘅印象好壞。玄關無自然採光,應有足夠嘅人工照明,可係進門處附近安裝筒燈、射燈或牆燈,以改善採光不足問題。暖色同冷色燈光係玄關位置使用係唔錯嘅選擇。

客廳

客廳係屋企中最大嘅休閒、活動範圍,亦係同屋企人、朋友相聚嘅重要場所。故需要營造溫馨氣氛,可以選用傳統嘅頂燈或枝形燈。客廳照明配置通常會用主照明同輔助照明燈光交互搭配,通過調節光暗來增添室內情調,但要保持整體風格協調一致。

飯廳

飯廳嘅燈光要求要色調柔和、寧靜,有足夠光度,而且同周圍枱櫈餐具匹配,構成視覺上嘅美感,增添食欲。燈光嘅功能同我地嘅味覺、心理有著潛移默化嘅聯繫,所以挑選飯廳燈具尤為重要。係飯廳裝飾中,可運用暖色吊燈營造溫馨用餐氣氛,但要保持有一定光度,予人乾淨整潔感覺。

廚房

廚房燈光色要以白色為主,如果燈光顏色唔正確,會影響判斷食物是否煮熟。為了便於清洗切菜等,可用吸頂燈或者嵌入式燈具裝係洗菜盆上,以提供充足光線。

廁所

廁所需要明亮柔和嘅光線來襯托乾淨爽快嘅效果,燈嘅使用頻率較高,一般整體上宜選吸頂燈。整體燈光唔需要過於充足,重點位置有便可。比如鏡隔離可以設置獨立燈,係洗手盆鏡上或牆上安裝牆燈。

書房

書房係僅次於睡房嘅私人空間,書房用於閱讀、寫作、使用電腦、聽音樂、思考、工作等,故需要沉穩安靜,燈光應該柔和。另外光線一定要達到要求,以防造成眼睛疲勞,甚至近視。

睡房

睡房應以溫馨、舒適、愉悅感覺為主,係燈光佈置上一定唔可以有壓抑感。燈風格要同成個睡房裝飾風格一致,切勿太強或過白。可使用暖黃色天花板吊燈,配以適當燈罩。床頭上設置筒燈或牆燈,以便於床上閱讀起居。

(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤:   裝修  裝修佬  

留言


請按此登錄後留言。未成為會員? 立即註冊
    快捷鍵:←
    快捷鍵:→