【裝修佬文章轉載】- 【即熱水機消委會評測】家用即熱水機推薦 消委會實測低電耗(2020更新)

裝修佬話你知 於 04/02/2021 發表 收藏文章

原文連結:https://hkdecoman.com/article/53727
【本文章轉載自裝修佬 - 一站式網上裝修平台】即熱水機是近年流行的電器產品。由今個星期開始,本欄會抽選消委會報告進行總結,然後附以「裝修防伏班」舊生會的戶市情報讓大家參考。今次的題目是「即熱水機」。

1.消委會實測即熱水機
即熱水機低電耗 選擇眾多點揀好?


電熱水器你會揀邊種?除左某啲家庭會選擇買樽裝水之外,大部分嘅香港人都會選擇用唔同嘅煲水用具去將自來水煮熟先飲用。咁作為一個精明嘅消費者,應該選擇邊款用具先係最好嘅選擇呢?


消費者委員會早年公開咗一份有關煲熱水用具嘅報告,分析左市面上各種煲熱水用具嘅優劣,包括電熱水煲、電熱水瓶、桶裝飲水機、即熱水機,詳情如下:

電熱水器種類表格一


電熱水器種類表格二
*取自消委會報告


香港人咩都貪快貪方便,飲熱水沖咖啡自然唔鍾意每次都用電熱水煲等水滾。比較其他三種可以立即出熱水嘅工具後,發現即熱式熱水機待機耗電量最低,喺注重環保同經濟效益嘅最好選擇!


當然,市面上亦有好多不同類型既即熱式熱水機,揀得啱亦同樣重要。消委會抽取市面上四款即熱式熱水機進行對比,令大家知道邊款先最適合自己。

即熱水機型號對比

牌子:Bosch
型號:THD2063GB
價錢:$1,388
容量:2.5升

優點:
● 可設置不同水溫及容量
● 操作及保養方便

缺點:
● 製熱水速度較慢
● 使用時候出現噪音

短評: 呢款即熱式熱水機雖然比較貴,使用時亦會有噪音,但質量較好。喺操作上有明確指示,而且可以調整出水量以及溫度。預算較高既朋友建議使用呢款熱水機!

牌子:Salav
型號:SH-105
價錢:$799
容量:2.5升

優點:
● 清晰指示
● 使用時沒有噪音

缺點:
● 沒有標示出水量
● 金屬邊緣可能刮手

短評:2號選手價錢屬於中等,但缺點頗多。不但溫度以及容量唔可以調節,清洗濾芯時步驟亦比較繁複,加上製造質量用料較參次,小編並不推薦。

牌子:Imarflex 伊瑪牌
型號:IKT-15SCF
價錢:$499
容量:1.5升

優點:
● 省電程度高
● 可提式機身

缺點:
● 沒有標示出水量
● 出熱水速度慢

短評:呢款熱水機售價比較低,設計操作比較簡單,家居空間比較細既家庭。但最大壞處就係出水時間太慢!煲約250毫升既水需時45先可以出水,無咩耐性既你可以要思考清楚呢款熱水機適唔適合!


牌子:Sanki山崎
型號:SK-IP400
價錢:$899
容量:4升

優點:
● 可設置水溫及出水量
● 使用時沒有噪音
● 操作及保養簡易

缺點:
● 機身較大,存放不便

短評:容量大,設計靚!而且操作簡單,亦設有水溫及出水量調節,各項表現都比較平均。呢款設計適合一家大細使用,唔怕好快用曬水要花時間之餘,保養操作方面亦十分容易!


以上幾款即熱式熱水機都有唔同既特點,大家可因應自己家居唔同嘅需要、負擔能力同大小加以分析之後先可以揀岩合適自己嘅熱水機。裝修學院的舊生又怎樣看呢?


2.舊生會實測

小編訪問了十位完成了裝修的「裝修防伏班」戶主。當中有超過一半在用電熱水煲,兩位在使用消委會指較耗電的電熱水瓶,並不覺得特別耗電。但代價是要長期佔用電位,否則連按熱水出來都按不到(因為電動),這方面,裝修時需要規劃好。

另外亦有兩位使用即熱式,其中一位因為選擇時沒注意產品細項,買了Bosch即熱水機,感到非常慢,因此極少用,改為用電熱水煲,煲好沖入暖壺。

希望大家可以參考呢篇文章,搵到最適合自己嘅熱水機!


裝修學院小貼士:
無論選擇哪一款,記得要常用,否則很易滋生衛生方面的問題啊!

已有心水熱水機?歡迎上裝修Mall選購!


想了解有關選購食水的資訊,請瀏覽裝修佬專欄

你識唔識揀電熱水壺
裝修佬話你知:屋企自測水質方法

如果喜歡我們的文章,請即分享到︰

標籤: 裝修  裝修佬  即熱水機  消委會  

留言


請按此登錄後留言。未成為會員? 立即註冊
    快捷鍵:←
    快捷鍵:→