【裝修佬文章轉載】- 設計名人堂 Gen 特色設計需時雕琢 從客戶生活細節入手

裝修佬話你知 於 17/02/2021 發表 收藏文章
設計名人堂 Gen :「其實花多啲時間同耐心,就做到無印風以外嘅特色設計!」

原文連結:原文連結:https://hkdecoman.com/article/54207

【本文章轉載自裝修佬 - 一站式網上裝修平台】做地產代理10年,Gen搖身一變成了一名設計師。與3位好友一同創立了一家室內設計工程公司,其室內設計與一般香港常見的家居設計大不同,風格強烈,非常吸睛。

設計講閱歷 講熱誠
「做代理時睇得多樓盤,加上對設計有興趣,sell客嘅時候都會講到下,間隔設計等等。啲客都覺得你講得啱喎,慢慢累積就會覺得自己適合做。」沒有修讀過室內設計的Gen設計能力不比修讀設計的人遜色,在於他樓盤閱歷比大部份設計師多,也從不停止學習。

樓盤閱歷可說是4位兄弟自豪的一環。「設計師可能讀書讀好多,書本上嘅知識多,但我哋睇實物可能多過佢哋十倍。做10年代理,睇得真係好多,唔單係一手新樓,舊嘅又有,二手都有。唔同風格嘅,其實講得出嘅風格都見過晒。唔同嘅樓啲間隔可以點改都見盡晒。」

另一個優勝之處,擔當設計師5年之久,他的熱誠仍未退卻。「有啲人覺得呢個係工作,而對我嚟講,做咗5年,都仲係興趣,都仲係好鍾意。」Gen依然會不斷抽空去看展覽、電影和旅行,收集多國的靈感。「你睇下睇下就會覺得,呢個款式你又真係冇諗過喎,原來嗰幾隻色夾埋係靚嘅,就記低之後可以用。設計擺出嚟始終都係啲視覺嘅嘢,都真係要自己親身睇過下先得。」

從用家吸收經驗 從用家角度出發設計
業主與裝修界之間總是對有不少猜疑,Gen卻覺得自己的團隊能化解這些誤會,源於他們能從客戶的角度出發。「有啲裝修佬可能好固執,話唔得但又唔同個客解釋,先會做成咁多誤會,其實兩邊都冇錯。而溝通正正係我哋做地產代理嘅優勢,耐性同細心,最緊要識轉彎。我哋脾氣好啲,做開服務行業,會企係個客立場諗,設身處地幫佢諗。」

「有時我哋都未必全部識晒,做代理工作嘅時候就吸收好多經驗,會聽到好多客嘅見解,從客口中得知,點樣係唔好用嘅設計。到而家就好易明白個客想要乜,從用家角度出法諗多啲,知道點樣嘅設計先有實用性等等。」

千里馬尋伯樂 特色設計不分大小 只需時間與耐心
香港家居裝修設計大多要求收納簡潔。「比例82左右。80%都係要簡簡單單,你幅牆唔好同我諗咁多嘢,全屋白色,啲櫃木色就夠。例如有啲客想做無印風,『白色木質』冇話唔好,都靚嘅,但其實室內設計可以有好多嘢玩,都可以做到舒適實用得嚟又靚。」

普通家居裝修與特色家居設計工程上的不同?「一般家居裝修,好早定晒啲時間表,跟住schedule做。你一開始出嘅圖同成品差唔多,睇住個budget,佢哋唔會好多大改動。穩紮穩打。」

「其實特色家居設計唔係大單位嘅專利,最重要嘅係俾到時間。真係想玩靚間屋嘅人,通常俾嘅時間都充足,一定唔會急先。會明白就算有設計圖,其實圖都係一個想像,到現場會有唔同,改動會好多,用嘅時間都會多。」

「佢哋會不斷改,亦意花時間去改,例如做完會問『咦,點解出到嚟個感覺好似都係差少少?咁呢度好唔好改啲,果度可唔可以又改啲啲呢?』好長時間可以同你磨,大細單位都係㗎。」

「觀察到好多case其實都好急入住,我哋唔少case裝修完當晚七點鐘做完清潔,個客就想要搬入去,咁你邊有得去微調,邊有得去執靚佢?」細工出細貨,想要做精緻特色設計的想法一直藏在Gen心中,耐心等待伯樂。「冇㗎!拎住嗰8成生意一直等,總會有機會搵到一個俾你搞晒嘅人,可能一年做到一個咁嘅project。」

設計師教你完善設計
若果客人要求有特色的設計,身為設計師的Gen從何入手,設計適合客人的家居?「一定要知佢嘅喜好。想家居有設計感嘅人,對生活一定有某程度嘅要求,或者有生活習慣。」

「例如有客話鍾意係屋企飲紅酒嘅,就要係燈光設計下功夫,令家居氛圍適合佢同啲朋友飲酒。又例如鍾意睇書嘅人,就要諗點樣係書架方面做靚佢,愛模型嘅就要考慮個櫃嘅燈光,玩音樂玩音響嘅……如此類推。」

「再考慮生活需要,例如有小朋友,會唔會有個遊樂zone係可以俾家長睇到小朋友,小朋友又玩得開心,一切一切,都要從客人嘅生活角度出發。」因此,多表達自己的生活喜好和習慣,可以幫助設計師完善你的家居設計。

想裝修屋企/維修家居?登記「裝修佬」免費裝修報價,24小時內專人回覆,為你推介最適合你的裝修公司。

如果喜歡我們的文章,請即分享到︰

標籤: 裝修  裝修佬  設計  故事  

留言


請按此登錄後留言。未成為會員? 立即註冊
    快捷鍵:←
    快捷鍵:→