裝修佬話你知:厨房去油污小技巧

裝修佬話你知 於 15/11/2016 發表 收藏文章
厨房係屋企最難清潔嘅地方,亦係每位家庭主婦最頭痛嘅事,如果偷懶無認真清潔乾净,油污就會纍積,增加清潔難度,成爲咗令人傷透腦筋嘅頑垢污漬。其實,清潔厨房有好多種方法,究竟係點?裝修佬話你知。

白醋清洗籃筐

用舊牙刷沾D醋或番梘水,輕輕刷洗籃筐網眼,用水沖洗後就會光潔如新,廚房中嘅木器如果沾上油污,倒適量食醋擦洗,就可以去污。

牙膏

用刷上擠適量牙膏,然後直接刷洗瓷磚空隙,油污黏附係瓷磚空襲上面後會難以清洗乾淨,而牙膏去污效果唔錯。

熱水浸

將需要清洗嘅爐頭同爐架拆出來放係洗碗槽度,用鋼絲刷將爐具上嘅污垢刷走,係水槽度倒入50°左右嘅熱水,再倒少許廚房漂白水同少許廚房油污清潔劑,浸大約20分鐘,然後用抹布就可以輕鬆清理陳年污垢。   

蠟燭

將蠟燭塗抹係瓷磚空隙,將瓷磚空隙填平,蠟燭表面光滑,即使有油污係上面,只要輕輕一抹就乾淨曬,以後清潔就方便得多。

瓜果

用食剩嘅西瓜皮、蘋果心、黃瓜皮等隨手擦拭有油污嘅地方,可達到去除油污效果,特別係豉油漬,但對於嚴重污漬效果唔明顯。

米湯麵湯

灶具油污或者爐頭沾上油污後,可用黏稠嘅米湯塗係上面,等米湯乾燥後輕輕刮,油污就會一齊去除。

保持通風換氣

良好嘅通風環境會降低油煙沉積,所以一定要保持厨房開窗通風,加大空氣流通。另外係選購油煙機嘅時候,要選擇性價比高,抽油煙效果好嘅抽油煙機,同時,係烹飪過程中,要將抽油煙機打開,炒餸後唔好即刻關閉,應該繼續保持抽油煙機運作狀態,抽走空氣中殘留嘅油煙,約十分鐘後再關閉。


(以上圖片均來自網路,如有任何版權問題,請與本站聯絡)
原文連結

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→